నాలుగు కొత్త ఫ్యాబియా వేరింట్లను విడుదల చేసిన స్కొడా

Published: Saturday, September 24, 2011, 11:33 [IST]

చెక్-రిపబ్లిక్ ఆటో దిగ్గజం స్కొడా, భారత మార్కెట్లో అందిస్తున్న పాపులర్ కాంపాక్ట్ కారు 'ఫ్యాబియా' హ్యాచ్‌బ్యాక్‌లో నాలుగు కొత్త వేరియంట్లను కంపెనీ విడుదల చేసింది. సరికొత్త ఫ్యాబియా ఆక్టివ్, ఫ్యాబియా ఆంబిషన్‌లలో ఒక పెట్రోల్ వెర్షన్‌ను మరొక డీజిల్ వెర్షన్‌ను స్కొడా ఆటో ఇండియా విడుదల చేసింది. అలాగే, ఈ రెండు వేరియంట్లలో ప్యాకేజ్డ్ వెర్షన్స్‌గా వీటికి మరికొన్ని అధనపు ఫీచర్లను జోడించి ఆక్టివ్ ప్లస్, ఆంబిషన్‌ ప్లస్ అనే మరో రెండు వేరియంట్లను కూడా కంపెనీ విడుదల చేసింది.

కొత్త వేరియంట్లను మార్కెట్, కస్టమర్ ఫీడ్‌బ్యాక్ ఆధారంగా చేసుకొని రూపొందించాని, ఇవి విలువైన అనుభూతిని కల్పిస్తాయని కంపెనీ ఓ ప్రకటనలో పేర్కొంది. ప్యాకేజ్డ్ వెర్షన్లలో వినియోగదారులు తమ అభిరుచులకు అనుగుణంగా ఫ్యాక్టరీ ఫిట్టెడ్ ప్యాకేజీలతో తమ సౌకర్యానికి తగినట్లుగా అధనపు ఫీచర్లతో అప్‌గ్రేడ్ చేసుకోవచ్చని ఫోక్స్‌వ్యాగన్ గ్రూపు కంపెనీ అయిన స్కొడా పేర్కొంది.

పెట్రోల్ వేరియంట్ కొత్త స్కొడా ఫ్యాబియా ధరలు ఈ విధంగా ఉన్నాయి:
ఫ్యాబియా ఆక్టివ్ (1.2 లీటర్, పెట్రోల్) ధర - రూ.4.39 లక్షలు
ఫ్యాబియా ఆక్టివ్ ప్లస్ (1.2 లీటర్, పెట్రోల్) ధర - రూ.4.59 లక్షలు
ఫ్యాబియా ఆంబిషన్ (1.2 లీటర్, పెట్రోల్) ధర - రూ.4.55 లక్షలు
ఫ్యాబియా ఆంబిషన్ ప్లస్ (1.2 లీటర్, పెట్రోల్) ధర - రూ.4.99 లక్షలు

డీజిల్ వేరియంట్ కొత్త స్కొడా ఫ్యాబియా ధరలు ఈ విధంగా ఉన్నాయి:
ఫ్యాబియా ఆక్టివ్ (1.2 లీటర్, డీజిల్) ధర - రూ.5.46 లక్షలు
ఫ్యాబియా ఆక్టివ్ ప్లస్ (1.2 లీటర్, డీజిల్) ధర - రూ.5.66 లక్షలు
ఫ్యాబియా ఆంబిషన్ (1.2 లీటర్, డీజిల్) ధర - రూ.5.94 లక్షలు
ఫ్యాబియా ఆంబిషన్ ప్లస్ (1.2 లీటర్, డీజిల్) ధర - రూ.6.08 లక్షలు

(అన్ని ధరలు కూడా ఎక్స్-షోరూమ్ ఢిల్లీ).

Article Published On: Saturday, September 24, 2011, 11:33 [IST]

English summary

Check Republic auto giant Skoda Auto on Friday introduced four new variants of its flagship compact car Fabia. The Active and the Ambition in petrol and diesel options, along with Active Plus and Ambition Plus, which are packaged versions of the same new variants.

More from DriveSpark