Click it and Unblock the Notifications
డీజిల్ కార్ల పోర్ట్ఫోలియో పెంపుపై జనరల్ మోటార్స్ కన్ను
వినియోగదారుల అవసరాలకు అనుగుణంగా డీజిల్ ఆప్షన్ను ప్రవేశపెట్టడానికి ఎల్లప్పుడూ సాధ్యాసాధ్యాలు ఉంటాయని జనరల్ మోటార్స్ ఇండియా అధ్యక్షుడు మరియు మేనేజింగ్ డైరెక్టర్ కార్ల్ స్లిమ్ తెలిపారు. తమ చిన్న కారు స్పార్క్ మోడల్లోనూ అలాగే, ప్రీమియం హ్యాచ్బ్యాక్ ఏవియో యూవీఏ మరియు ఎంట్రీ లెవల్ సెడాన్ ఏవియో మోడళ్లలోనూ డీజిల్ ఆప్షన్ను పరిచయం చేస్తారా అన్ని ప్రశ్నకు ఆయన సమాధానమిస్తూ.. ఇతర సెగ్మెంట్లలలో డీజిల్ ఇంజన్ను పెట్టాలనే ఆశక్తి ఉందని ఆయన చెప్పారు. ప్రస్తుతం ఏవియో యూవిఏ కేవలం పెట్రోల్ వేరియంట్లో లభిస్తుండగా ఏవియో సెడాన్ మాత్రం పెట్రోల్ మరియు సిఎన్జీ ఆప్షన్లతో లభిస్తోంది.
పెట్రోల్ మరియు డీజిల్ ఇంధనానికి ధరల మధ్య తేడా లీటరుకు దాదాపు రూ. 26 ఉండటం వల్ల డీజిల్ కార్లకు వినియోగదారుల నుంచి డిమాండ్ పెరుగుతోందని స్లిమ్ తెలిపారు. డీజిల్ వాహనాల డిమాండును తీర్చేందుకు తాలేగావ్లోని ఇంజన్ ప్లాంటులో ఇప్పటికే అన్ని సౌకర్యాలు ఉన్నాయి, ఈ ప్లాంటు సామర్థ్యం సాలీనా 1.6 లక్షల యూనిట్లు, పెరుగుతున్న అవసరాలను ఈ ప్లాంటు అందుకోగలదు. ఈ నేపథ్యంలో ఉత్పత్తి సామర్థ్యం తమకు పెద్ద విషయం కాదని ఈ ప్లాంటు పెట్రోల్ మరియు డీజిల్ వేరియంట్లను హ్యాండిల్ చేయగలదని ఆయన చెప్పారు.
Continue with Google