Click it and Unblock the Notifications
ఈ ఏడాది చివరి నాటికి తవేరాలో యూరో-4 వెర్షన్
ఈ ఏడాది చివరి నాటికి తవేరా - యూరో4 వెర్షన్ వాహనాన్ని విడుదల చేయనున్నట్లు జనరల్ మోటార్స్ ఇండియా ఉపాధ్యక్షుడు పి.బాలేంద్రన్ తెలిపారు. దేశవ్యాప్తంగా ఉన్న 13 ప్రధాన నగరాల్లో ఈ మోడల్ అందుబాటులో ఉండేలా కంపెనీ చర్యలు తీసుకోనుంది. కొత్త తవేరాలో ప్రధానంగా ఇంజన్ మారనుంది. ఇందుకోసం కంపెనీ తన వద్ద ఉన్న డీజిల్ ఇంజన్లతో పాటు ఇతర సంస్థల నుంచి అధునాతన ఇంజన్లను సైతం జనరల్ మోటార్స్ పరిశీలిస్తున్నట్లు సమాచారం.
అయితే, దాదాపుగా కొత్త తవేరా యూరో-4 వెర్షన్లో 2-లీ. సీఆర్డీఐ డీజిల్ ఇంజిన్ను ఉపయోగించే అవకాశాలు ఎక్కువగా ఉన్నట్లు తెలుస్తోంది. కాగా.. గడచిన నెల(జులై)లో కంపెనీ మొత్తం 9,580 వాహనాలను విక్రయిస్తే, అందులో 1,707 తవేరా వాహనాలు ఉండగా, 5,255 యూనిట్లు బీట్ హ్యాచ్బ్యాక్ కార్లు, 1,502 యూనిట్లు స్పార్క్ కార్లు ఉన్నాయి. ఇంకా ప్రీమియం హ్యాచ్బ్యాక్ యూవీఏ 62 యూనిట్లు, ఎంట్రీ లెవల్ సెడాన్ ఏవియో 125 యూనిట్లు, మిడ్-సైజ్ సెడాన్ ఆప్ట్రా 123 యూనిట్లు, లగ్జరీ సెడాన్ క్రూజ్ 621 యూనిట్లు, ఎస్యూవీ కాప్టివా 113 యూనిట్లు అమ్ముడయ్యాయి.
Continue with Google