జైపూర్ మార్కెట్లో చెవర్లే బీట్ డీజిల్‌ను విడుదస చేసిన జిఎమ్

Published: Thursday, August 11, 2011, 15:47 [IST]

పింక్ సిటీగా పేరు గాంచిన జైపూర్ (రాజస్థాన్ రాజధాని) నగరంలో జనరల్ మోటార్స్ ఇండియా తన డీజిల్ బీట్ కారును విడుదల చేసింది. గడచిన కొద్ది రోజుల క్రితం దేశీయ విపణిలోకి ప్రవేశపెట్టిన చెవర్లే బీట్ డీజిల్ కారును దేశవ్యాప్తంగా అందుబాటులోకి తీసుకు వచ్చేందుకు కంపెనీ సన్నాహాలు చేస్తుంది. ప్రస్తుతం వినియోగదారులు ఎక్కువగా డీజిల్ వేరియంట్లపైనే ఆసక్తి చూపుతుండటంతో ఈ విభాగంలో ఉన్న అవకాశాలను దక్కించుకునేందుకు జనరల్ మోటార్స్ బీట్‌లో డీజిల్ వేరియంట్‌ను ప్రవేశపెట్టింది. బీట్ ఎక్స్-షోరూమ్ ఢిల్లీ ధర రూ. 4.29 లక్షలుగా ఉండగా, లభించే టాప్-ఎండ్ వేరియంట్ ధర రూ. 5.45 లక్షలు (ఎక్స్-షోరూమ్ ఢిల్లీ)గా ఉంది. ఇది మూడు వేరియంట్లలో లభిస్తుంది.

చెవర్లే బీట్ మోడల్‌ ఇప్పటికే పెట్రోల్ మరియు ఎల్‌పిజి వెర్షన్లలో లభిస్తుంది. అత్యంత మార్కెట్ ఆదరణ పొందిటిన బీట్ పెట్రోల్ వేరియంట్ మాదిరిగానే బీట్ డీజిల్ వేరియంట్‌కు కూడా మార్కెట్ నుంచి మంచి స్పందన లభిస్తోంది. డీజిల్ బీట్‌లో 936 సీసీ, 3-సిలిండర్, 1.0 లీటర్ ఎక్స్ఎస్‌డిఈ స్మార్టెక్ (XSDE SMARTECH) కామన్ రైల్ డీజిల్ ఇంజన్‌ను ఉపయోగించారు. ఈ ఇంజన్‌ను ప్రత్యేకించి భారత్ కోసం మాత్రమే చెవర్లే అభివృద్ధి చేసింది. ఈ ఇంజన్ 58.5 పిఎస్‌ల శక్తిని మరియు 150 ఎన్ఎమ్‌ల టార్క్‌ను కలిగి ఉంటుంది. ఇంజన్ రన్నింగ్ చాలా స్మూత్‌గా ఉండి బెస్ట్ మైలేజ్‌ను ఇస్తుంది. ఐదు మ్యాన్యువల్ గేర్లు కలిగిన బీట్ డీజిల్ సౌకర్యవంతమైన ప్రయాణ అనుభూతిని ఇస్తుంది. దీని మైలేజ్ లీటరు డీజిల్‌కు 24 కి.మీ.

Article Published On: Thursday, August 11, 2011, 15:47 [IST]

English summary

General Motors India today launched Chevrolet Beat Diesel car in Jaipur "It is India''s most fuel efficient car and best in segment and the diesel engine of Beat is developed for Indian consumers," Karl Slym, GM India President and MD, said.

More from DriveSpark