జులై 25న మార్కెట్లోకి రానున్న డీజిల్ బీట్!

స్మార్టెక్ ఇంజన్‌తో లభించే కొత్త డీజిల్ బీట్ మంచి ఫెర్ఫామెన్స్‌ను ఇవ్వనుంది. డీజిల్ బీట్ ఇంజన్ యొక్క నాయిస్, వైబ్రేషన్స్ మరియు హార్ష్‌నెస్ (ఎన్‌వీహెచ్) చాలా తక్కువగా ఉంటుందని, ఇది అత్యుత్తమ డ్రైవింగ్ అనుభూతిని కలిగిస్తుందని కంపెనీ పేర్కొంది. అయితే, ఈ కారు ధరను మరియు ఇతర వివరాలను విడుదల రోజున మాత్రమే వెల్లడిస్తామని కంపెనీ తెలిపింది.

అంతేకాదు ఇంధన సామర్థ్యంలో కూడా బీట్ తన సత్తా చాటనుంది. డీజిల్ బీట్ లీటరకు 24 కి.మీ. మైలేజ్‌ను ఇవ్వవచ్చునని అంచనా. అంటే.. ప్రస్తుతం టాటా ఇండికా ఈవీ-2 ఇస్తున్న మైలేజ్‌ (25kmpl)కు ఇది దాదాపు సమానంగా ఉండబోతుందన్నమాట. ఈ కారుకు సంబంధించి మరిన్ని వివరాలు తెలుసుకోవాలంటే సోమవారం వరకూ ఆగక తప్పదు మరి.