నెల్లూరు పట్టణానికి విచ్చేసిన బంగారు టాటా నానో

టాటా గ్రూపులోని స్వర్ణాభరణాల విభాగం అయిన 'టాటా గోల్డ్ ప్లస్' కంపెనీ ప్రచారంలో భాగంగా ఈ బంగారు నానో కారును దేశవ్యాప్తంగా ఉన్న అన్ని గోల్డ్ ప్లస్ అవుట్‌లెట్లలో ఈ కారును ప్రదర్శనకు ఉంచనున్నారు. ఇందులో భాగంగానే కంపెనీ తమ బంగారు నానో కారును నెల్లూరులో ప్రదర్శనకు ఉంచింది.

భారతదేశంలో బంగారు ఆభరణాల తయారీ పరిశ్రమ మొదలై 5,000 సంవత్సరాలు పూర్తయిన సందర్భంగా టైటాన్ ఇండస్ట్రీస్ లిమిటెడ్ ఈ కారును రూపొందించింది. దీని తయారీకి 80 కేజీల స్వచ్ఛమైన బంగారాన్ని, 15 కేజీల వెండిని మరియు 10,000 రత్నాలను ఉపయోగించారు.

ఈ బంగారు నానో కారు తయారీకి కంపెనీ సుమారు రూ.22 కోట్లకు పైగా ఖర్చు చేసింది. అంతేకాదు.. ఈ కారు భద్రత కోసం కంపెనీ సగటున రోజుకు లక్ష రూపాయల ఖర్చు చేస్తున్నట్లు సమాచారం. బంగారు నానో కారు మరో మూడు నెలల పాటు దేశవ్యాప్తంగా ఉన్న అన్ని గోల్డ్ ప్లస్ షోరూమ్‌లలో ప్రదర్శనకు ఉంచనున్నారు.