హోండా బ్రయో ధరలోనే కాదు మైలేజ్‌లోనూ భేష్..!!

ఇది కాకుండా ఎస్ ఆప్షన్ వేరియంట్‌లో వినియోగదారుల కోరిక మేరకు అధనపు ఫీచర్లు జోడించి విక్రయిస్తారు. హోండా బ్రయో ఈ వేరియంట్ అత్యంత చౌవకైనది, దీని ధర రూ.3.95 లక్షలు (ఎక్స్-షోరూమ్, ఢిల్లీ). ఇకపోతే.. ఎస్, వీ వేరియంట్లలో ఏబిఎస్ (యాంటీ-లాక్ బ్రేకింగ్ సిస్టమ్), ఎయిర్ బ్యాగ్స్, ఎలక్ట్రానికల్లీ అడ్జస్టబుల్ రియర్ వ్యూ మిర్రర్స్, పవర్ విండోస్ వంటి అధనపు భద్రత మరియు సౌకర్యపు ఫీచర్లు లభిస్తాయి.

ఇంకా, ఇందులో యూఎస్‌బి, ఆక్స్ కనెక్టివిటీతో కూడిన 4స్పీకర్ 2డిన్ స్టీరియో సిస్టమ్ కూడా లభిస్తుంది. హోండా బ్రయో చిన్న కారు ఎనర్జిటిక్ బ్లూ, ర్యాల్లీ రెడ్, అర్బన్ టైటానియం, ఆల్బస్టర్ సిల్వర్, టాఫ్ఫెటా వైట్ మరియు క్రిస్టల్ బ్లాక్ పెరల్ అనే ఆరు ఆకర్షనీయమై రంగుల్లో లభ్యమవుతుంది.

హోండా బ్రయో 3610 మి.మీ. పొడవును, 1680 మి.మీ. వెడల్పును, 1500 మి.మీ. ఎత్తును మరియు 2345 మి.మీ. వీల్‌బేస్‌ను కలిగి ఉంటుంది. హోండా బ్రయో లీటరుకు 18.4 కి.మీ. మైలేజీనిస్తుందని కంపెనీ పేర్కొంది. దేశవ్యాప్తంగా ఉన్న 83 నగరాల్లో 135 హోండా డీలర్‌షిప్‌లలో ఈ చిన్న కారు లభ్యమవుతుందని కంపెనీ వెల్లడించింది. ఇది రెండు సంవత్సరాలు లేదా 40,000 కి.మీ. వారంటీతో లభిస్తుంది.