తక్కువ ధరకే హోండా చిన్నకారు బ్రియో..: మార్చిలో విడుదల..?

అయితే.. ప్రస్తుతం భారత వినియోగదారుల కన్ను చిన్నకార్లపై ఉండటంతో ఆ అవకాశాలను వేగంగా అందిపుచ్చుకునేందుకు హోండా తొందరపడుతున్నట్లుంది. మరోవైపు జపాన్‌కు చెందిన మరో ఆటోమొబైల్ దిగ్గజం టొయోటా కూడా ఈ నెలలో మరో చిన్నకారు ఎతియోస్ లీవాను విడుదల చేయనుంది. దీంతో టొయోటా కన్నా ముందు తామే చిన్నకారును ప్రవేశపెట్టాలని హోండా భావిస్తున్నట్లు తెలుస్తుంది.

భారత్‌లోని సియోల్ గ్రూపుతో జాయింట్ వెంచర్‌గా ఏర్పడి కార్యకలాపాలను కొనసాగిస్తున్న హోండా కంపెనీ నిర్ణయించిన దాని ప్రకారం.. సెప్టెంబర్ 2011లో ఈ బ్రియో కారును దేశీయ మార్కెట్లో ప్రవేశపెట్టాల్సి ఉంది. అయితే పూర్తిగా భారతీయ పరిస్థితులకు అనుగుణంగా తీర్చిదిద్దిన ఈ కారును ఈ నెల(మార్చి, 2011)లోనే విడుదల చేయనున్నట్లు మార్కెట్ వర్గాల సమాచారం. భారత కార్ మార్కెట్రో హోండా బ్రియో ధర రూ.4 లక్షల నుంచి రూ. 5 లక్షల మధ్య ఉండేలా కంపెనీ చర్యలు తీసుకుంటుంది. అంతేకాకుండా ఈ కారుకు సంబంధించిన 80 శాతం విడిభాగాలు కూడా భారత్‌లోనే తయారు చేయాలని కంపెనీ భావిస్తోంది.