టెస్ట్ డ్రైవ్ చేయకుండానే బ్రయోను బుక్ చేసేస్తున్నారు..!!

అలాగే, హోండా కూడా కొనుగోలుదారుల నమ్మకాన్ని వమ్ము చేయకుండా, ధరకు తగిన విలువతో హోండా బ్రయో కారును అందిస్తోంది. తాజా నివేదికల ప్రకారం, ఇప్పటికే హోండా బ్రయోకు 5,000 యూనిట్లకు పైగా బుకింగ్‌లు వచ్చాయి. అవి కూడా టెస్ట్ డ్రైవ్ చేయకుండానే వచ్చిన బుకింగ్స్. ప్రస్తుతం హోండా బ్రయో ఇంకా పూర్తిస్థాయిలో దేశవ్యాప్తంగా అందుబాటులోకి రాలేదు. కంపెనీ తొలుతగా దేశంలోని పలు ప్రధాన నగరాల్లో విడుదల చేసిన అనంతరం, ఇతర షోరూమ్‌లలో అందుబాటులోకి తీసుకువచ్చే ప్రయత్నం చేస్తోంది.

బ్రయో రాకతో హోండా తన అమ్మకాలను 15 శాతం మేర పెంచుకోవాలని భావిస్తోంది. కొనుగోలుదారులు బ్రయో అంతగా ఆకర్షించడానికి ప్రధాన కారణం లుక్. క్యూట్ లుక్‌తో చూపరులను ఇట్టే కట్టిపడేయగల అందం బ్రయో సొంతం. మారుతి సుజుకి రిట్జ్, హ్యుందాయ్ ఐ10, టొయోటా ఎతియోస్, నిస్సాన్ మైక్రా వంటి కార్లకు ధీటుగా నిలువనున్న హోండా బ్రయో పెర్ఫామెన్స్‌లో శభాష్ అనిపించుకుంది. ఇందులో అమర్చిన 1.2 లీటర్ ఫోర్ పాట్ ఐవిటెక్ ఇంజన్ 6600 ఆర్‌పిఎమ్‌ల వద్ద 88 బిహెచ్‌పిల శక్తిని, 4600 ఆర్‌పిఎమ్‌ల వద్ద 119 ఎన్ఎమ్‌ల టార్క్‌ను విడుదల చేస్తుంది.