హోండా త్రిచక్ర కాన్సెప్ట్ వాహనం 3ఆర్-సీ

Published: Monday, October 3, 2011, 16:55 [IST]

నేను పట్టి కుందేలుకు మూడే కాళ్లు అనే సామెతను మనం వినే ఉంటాం. మరి మేము తయారు చేసిన వాహనానికి మూడే చక్రాలు అంటోంది జపాన్ ఆటో దిగ్గజం హోండా. అదే ఈ చిత్రంలో కనిపిస్తున్న వాహనం. దీని పేరు హోండా 3ఆర్-సీ. గతేడాది జెనీవాలో జరిగిన అంతర్జాతీయ మోటార్‌ షోలో హోండా ఈ కాన్సెప్ట్ కారును ప్రదర్శించింది. ఈ కారులో ఒక్కరు మాత్రమే ప్రయాణించడానికి వీలుంటుంది.

పట్టణ ప్రాంతాలను దృష్టిలో ఉంచుకొని రానున్న రోజుల కోసం హోండా ఈ అర్బన్ కాన్సెప్ట్ ఎలక్ట్రిక్ కారును అభివృద్ధి చేసింది. ఇది బ్యాటరీ పవర్‌తో నడిచే ఎలక్ట్రిక్ వాహనం. లిథియం అయాన్ బ్యాటరీ సాయంతో ఎలక్ట్రిక్ మోటార్ ఆధారంగా ఇది పనిచేస్తుంది. రైడర్ ఈ వాహనాన్ని నడుపుతున్నప్పుడు పైన గ్లాస్ డోర్ విండ్ షీల్డ్‌గా మారుతుంది. ఇది పార్కింగ్‌లో ఉన్నప్పుడు డ్రైవర్ సీటును కప్పివేసి దుమ్ము ధూళి లోనికి వెళ్లకుండా ఉండేందుకు సహకరిస్తుంది. వాణిజ్య పరంగా హోండా దీన్ని ఉత్పత్తి చేస్తుందో లేదో తెలియాలంటే మరికొంత కాలం వేచి చూడాల్సిందే మరి..!!

Article Published On: Monday, October 3, 2011, 16:55 [IST]

English summary

Honda 3R-C concept make its world debut in Geneva last year. The three-wheeled concept vehicle 3R-C, which envisions a single occupant vehicle for zero emission commuting. This revolutionary battery electric vehicle concept shows what a future minimal urban transport vehicle for one person might look like.

More from DriveSpark