ప్రపంచ కప్ కారును తయారుచేసిన హైదరాబాదీ

ఒక్కరు మాత్రమే కూర్చుని ప్రయాణించగల ఈ కారు మూడు చక్రాలపై పరుగులు తీస్తుంది. 6 అడుగుల వ్యాసం, 11 అడుగుల 10 ఇంచ్‌ల ఎత్తు ఉండేలా దీనిని రూపొందించారు. ఈ కారులో సుధాకర్ 150 సీసీ ఇంజన్‌ను ఉపయోగించారు. ఇది గరిష్టంగా గంటకు 70 కిలోమీటర్ల వేగంతో ప్రయాణిస్తుందని, దీనిని కేవలం 36 గంటల్లో 16 మంది సహాయంతో తయారు చేశానని సుధాకర్ వెల్లడించారు.

ఈ కారు తయారీ కోసం రూ. 13,000 ఖర్చు చేశామని ఆయన చెప్పారు. 2003లో కూడా ప్రపంచ కప్ సమయంలో క్రికెట్ బంతి ఆకారంలో ఉండే కారును, అలాగే 2007 ప్రపంచ కప్‌లో క్రికెట్ బ్యాట్ ఆకారంలో ఉండే కారును రూపొందించారు. 1983 తర్వాత ప్రపంచ కప్‌ను గెలుచుకునేందుకు భారత్‌కు ఇదొక మంచి అవకాశమని ఈసారి ఖచ్చితంగా భారత్ ప్రపంచ కప్‌ను గెలుస్తుందని సుధాకర్ ధీమా వ్యక్తం చేశారు.