డిఆర్ఐ షోకాజ్ నోటీసును సవాల్ చేసిన హ్యుందాయ్

Published: Tuesday, August 9, 2011, 9:45 [IST]

విడిభాగాల దిగుమతికి సంబంధించి పన్ను విషయంలో అక్రమాలకు పాల్పడ్డారంటూ, దేశీయ ద్వితీయ అగ్రగామి కార్ల తయారీ సంస్థ హ్యుందాయ్ మోటార్స్ ఇండియా లిమిటెడ్‌(హెచ్ఎమఐఎల్)కు డైరెక్టరేట్ ఆఫ్ రెవెన్యూ ఇంటలిజెన్స్ (డిఆర్ఐ) అధికారులు షోకాజ్ నోటీసులు జారీ చేశారు. జులై 2005 నుంచి డిసెంబర్ 2010 వరకూ విడిభాగాల దిగుమతి సుమారు రూ. 266 కోట్ల రూపాయాలు పన్ను (టాక్స్)ను హ్యుందాయ్ మోటార్స్ ఎగవేసిందని డిఆర్ఐ ఆరోపించింది. దీనిపై తక్షణమే వివరణ ఇవ్వాల్సిందిగా కంపెనీను కోరింది.

కాగా.. డిఆర్ఐ ఆరోపించినట్లు తామేమీ పన్ను అక్రమాలకు పాల్పడలేదని, ఇదంతా అవాస్తవమని హ్యుందాయ్ మోటార్స్ పేర్కొంది. డిఆర్ఐ జారీ చేసిన షోకాజ్ నోటీస్‌ను హ్యుందాయ్ సవాల్ చేసింది. లావాదేవీ విలువ ప్రకారమే విడిభాగాలను దిగుమతి చేసకున్నామని, వాటికి సంబంధించిన పన్నులను సంబంధిత అధికారులకు పూర్తి డాక్యుమెంటేషన్‌తో సహా చెల్లించామని కంపెనీ పేర్కొంది. చట్టపరిధిలో అన్ని నిబంధనలకు తాము కట్టుబడి ఉన్నామని అతిపెద్ద ప్యాసింజర్ కార్ల ఎగుమతిదారు వెల్లడిచింది.

Article Published On: Monday, August 8, 2011, 16:45 [IST]

English summary

Hyundai Motor India Limited. Appears to be stuck in a legal tangle after the Directorate of Revenue Intelligence (DRI) circulated a show cause notice on Friday to the country’s second largest carmaker accusing it of tax evasion. As per the show cause notice, the DRI has accused Hyundai of evading tax up to Rs.266 crores in the past five years.

More from DriveSpark