హైదరాబాద్‌లో ఇయాన్‌ను విడుదల చేసిన హ్యుందాయ్

హ్యుందాయ్ ఇయాన్ విడుదలైన కొద్ది రోజుల్లోనే 7,500 యూనిట్లకు పైగా బుకింగ్‌లు వచ్చాయని, ప్రతి నెలా 12,000 యూనిట్ల వరకూ ఇయాన్ కార్లను విక్రయించాలని లక్ష్యంగా నిర్దేశించుకున్నామని హ్యుందాయ్ మోటార్స్ ఇండియా డైరెక్టర్ (సేల్స్ అండ్ మార్కెటింగ్) అరవింద్ సక్సేనా తెలిపారు. దక్షిణ అమెరికా, ఆఫ్రికా, మలేసియా వంటి కొన్ని ఎంపిక చేసిన దేశాలకు ఇయాన్‌ను ఎగుమతి చేసే అంశాన్ని పరిశీలిస్తామని ఆయన చెప్పారు.

హ్యుందాయ్ ఇయాన్‌ కారులో అమర్చిన 3-సిలిండర్, 815 సీసీ ఇంజన్ 56 పిఎస్‌ల శక్తిని, 76.5 ఎన్ఎమ్‌ల టార్క్‌ను విడుదల చేస్తుంది. ఇది లీటరుకు 21.1 కిలోమీటర్ల మైలేజీనిస్తుందని కంపెనీ తెలిపింది. ఇంకా ఇందులో డ్రైవర్ సైడ్ ఎయిర్ బ్యాగ్, ఫ్రంట్ పవర్ విండోస్, కీలెస్ ఎంట్రీ, ఫ్రంట్ ఫాగ్ ల్యాంప్స్, ఇమ్మొబిలైజర్, వంటి సదుపాయాలు కూడా ఉన్నాయి. ఇది ఆరు వేరియంట్లలో ఆరు ఆకర్షనీయమైన రంగుల్లో లభ్యమవుతుంది.