జనవరిలో అన్ని ఉత్పత్తుల ధరలు పెంచనున్న హ్యుందాయ్

Published: Thursday, December 8, 2011, 16:52 [IST]

హ్యుందాయ్ మోటార్ ఇండియా తాజాగా భారత మార్కెట్లో అందిస్తున్న చిన్న కారు "హ్యుందాయ్ ఇయాన్" ధర వచ్చే జనవరి నుంచి మరింత ప్రియం కానుంది. ఎందుకంటే, కొత్త సంవత్సరంలో ధరలు పెంచనున్న కంపెనీల జాబితాలో హ్యుందాయ్ మోటార్ ఇండియా కూడా చేరిపోయింది. వచ్చే జనవరి నెలలో తమ అన్ని ఉత్పత్తుల ధరలను 1.5-2 శాతం వరకూ పెంచనున్నట్లు కంపెనీ పేర్కొంది.

ఈ కొత్త ధరలు జనవరి 1, 2011 నుండి అమలులోకి రానున్నాయని హ్యుందాయ్ మోటార్ ఇండియా సేల్స్‌ డైరెక్టర్‌ అరవింద్‌ సక్సేనా వెల్లడించారు. అయితే, ప్రస్తుతానికి ఏ మోడల్‌పై ఎంత మేర ధరలు పెంచనున్నది ఖరారు చేయలేదని, పెరుగుతున్న ద్రవ్యోల్బణం, అధిక ఇంధన ధరలు, రూపాయి మారకపు విలువలో ఒడిదుడుకులు వంటి పలు కారణాల వల్ల ధరలు పెంచక తప్పడం లేదని ఆయన అన్నారు.

కాగా.. ఇప్పటికే జనవరి నెలలో ధరలు పెంచనున్న కంపెనీ జాబితాలో జనరల్ మోటార్స్, టొయోటా కిర్లోస్కర్ మోటార్స్, ఫోర్డ్ మోటార్స్ కంపెనీలు చేరిన సంగతి తెలిసిందే. త్వరలో మారుతి సుజుకి కూడా ధరల పెంపు విషయంపై ఓ నిర్ణయాన్ని వెల్లడించే ఆస్కారం ఉంది.

Article Published On: Thursday, December 8, 2011, 16:52 [IST]

English summary

The country's second-largest car-maker Hyundai Motor India will raise the prices of its vehicles by 1.5 to 2 per cent by January next year on account of high inflation and the weak rupee. Hyundai Motor India Director Marketing and Sales Arvind Saxena while speaking about the carmaker's decision to hike prices said, The price increase will come into effect in January, 2012.

More from DriveSpark