2012 నాటికి చిన్న కారును విడుదల చేయనున్న హ్యుందాయ్

Published: Monday, May 16, 2011, 14:30 [IST]

భారతదేశపు ద్వితీయ అగ్రగామి కార్ల తయారీ సంస్థ హ్యుందాయ్ మోటార్ ఇండియా లిమిటెడ్ ఇప్పుడు చిన్న కార్ల మార్కెట్‌పై కన్నేసింది. భారత్‌లో చిన్న కార్లకు డిమాండు భారీగా పెరుగుతుండటం, ఈ విభాగంలో ఇప్పటికే టాటా నానో సృష్టిస్తున్న సంచలనంతో పలు ఆటోమొబైల్ కంపెనీలు ఈ విభాగంపై దృష్టి సారించాయి. ఈ విభాగంలోని అవకాశాలను వీలైనంత త్వరగా అందిపుచ్చుకునేందుకు కంపెనీలు శరవేగంగా చిన్న కార్లను అభివృద్ధి చేస్తున్నాయి. ఈ నేపథ్యంలో హ్యుందాయ్ కూడా వచ్చే ఏడాది నాటికి దేశీయ మార్కెట్లో ఓ చిన్న కారును ప్రవేశపెట్టేందుకు సన్నాహాలు ప్రారంభించింది.

గ్రామీణ మార్కెట్లలో కూడా తమ చిన్న కారును విడుదల చేసి తద్వారా మార్కెట్ వాటాను మరింత విస్తరించుకోవాలని కంపెనీ భావిస్తోంది. హ్యుందాయ్ రూపొందించబోయే చిన్న కారు ఇంజన్ సామర్థ్యం 800 సీసీ నుంచి 1,000 సీసీ మధ్య ఉండవచ్చునని సమాచారం. అంతేకాకుండా దీని ధర కూడా మధ్య తరగతి ప్రజలకు అందుబాటులో ఉండేలా రూ. 2 నుంచి రూ. 3 లక్షల మధ్య ఉండవచ్చు. కాగా.. కంపెనీ ఇటవలే భారత మార్కెట్లో సరికొత్త వెర్నా వేరియంట్‌ను ఆవిష్కరించిన సంగతి తెలిసిందే. పెట్రోల్, డీజిల్ వేరియంట్లలో లభించే వీటి ప్రారంభ ధరలు రూ. 6.99 లక్షలు మరియు 10.75 లక్షలుగా ఉన్నాయి.

Article Published On: Monday, May 16, 2011, 14:30 [IST]

English summary

Hyundai Motor India, the country's second largest car maker is betting heavily on its yet-to-be-launched small car to penetrate into the rural market, a top executive of the company said. According to YK Koo, Senior Director (Sales and Marketing) HMIL, the small car will be launched in the first half of next year and the company has no immediate plans to export the car.

More from DriveSpark