పెట్రోల్ బాధ మర్చిపోండి.. ఎల్‌పిజి ఐ10 వచ్చేసిందిగా..

ఇందులో 34 లీటర్ల స్టోరేజ్ సామర్థ్యం కలిగి ఉండి, డిపార్ట్‌మెంట్‌ ఆఫ్‌ ఎక్స్‌ప్లోజివ్స్‌ నుంచి సర్టిఫికేషన్‌ పొందిన ఫ్యాక్టరీ ఫిట్టెడ్ ఎల్‌పిజి కిట్‌ను అమర్చారు. మరి మార్గమధ్యంలో గ్యాస్ అయిపోతే పరిస్థితి ఏంటి అనుకుంటున్నారా..!? అయినా కంగారుపడాల్సిన అవసరమేమీ లేదు. ఎందుకంటే, ఇందులో 35 లీటర్ల స్టోరేజ్ సామర్థ్యం ఉన్న పెట్రోల్ ట్యాంక్ కూడా ఉంది. అంటే ఒకే దెబ్బకు రెండు పిట్టలన్నమాట.

తక్కువ ఖర్చుతో కారును మెయింటైన్ చేయాలనుకునే వినియోగదారులను దృష్టిలో ఉంచుకొని ఎల్‌పిజి వేరియంట్ హ్యుందాయ్ ఐ10 కారుని ప్రవేశపెట్టామని కంపెనీ పేర్కొంది. పూర్తి పెట్రోల్ వేరియంట్ ఐ10తో పోల్చుకుంటే ఎల్‌పిజి వేరియంట్ ఐ10 ధర రూ.27,630 అధికంగా ఉంటుందని కంపెనీ పేర్కొంది. అంతేకాదండోయ్.. ప్రస్తుతం ఉపయోగిస్తున్న పెట్రోలు వేరియంట్‌ ఐ10 కారును కూడా కావాలనుకుంటే, అదనంగా రూ.27,630 చెల్లించి ఎల్‌పిజికి మార్పించుకోవచ్చునని కంపెనీ వివరించింది.

హ్యుందాయ్ ఐ10 ఎల్‌పిజి రెండు వేరియంట్లలో లభ్యమవుతుంది.
ఎంట్రీ లెవల్ వేరియంట్ అయిన ఐ10 ఎరా వేరియంట్ ధర రూ.4.16 లక్షలుగా ఉండగా,
టాప్-ఎండ్ వేరియంట్ అయిన ఐ10 మాగ్నా వేరియంట్ ధర రూ.4.30 లక్షలుగా ఉంది.