జోరు తగ్గని ఇయాన్, కానీ అక్టోబర్ సేల్స్ ఢమాల్..!

Published: Wednesday, November 2, 2011, 8:08 [IST]

భారతదేశపు ద్వితీయ అగ్రగామి కార్ల తయారీ సంస్థ హ్యుందాయ్ మోటార్ ఇండియా తాజాగా మార్కెట్లో ప్రవేశపెట్టిన చిన్నకారు 'హ్యుందాయ్ ఇయాన్'కు దేశీయ వినియోగదారుల నుండి అపూర్వ స్పందన లభిస్తోంది. హ్యుందాయ్ ఇయాన్ కారుకు ఇప్పటి వరకూ 9000 యూనిట్లకు పైగా బుకింగ్‌లు వచ్చాయని కంపెనీ ఓ ప్రకటనలో పేర్కొంది. అయితే గడచిన అక్టోబర్ నెలలో ఐ10, ఐ20, శాంత్రో, యాక్సెంట్ వంటి మోడళ్లను అమ్మకాలను పెంచుకునేందుకు కంపెనీ వివిధ ఆఫర్లను ప్రకటించినప్పటికీ అమ్మకాలు మాత్రం ఆశించినంతగా సాగలేదు.

ఆక్టోబర్ నెలలో హ్యుందాయ్ మోటార్ అమ్మకాలు 7.5 శాతం క్షీణించి 48,325 యూనిట్లకు పడిపోయాయి. గతేడాది ఇదే సమయంలో ఇవి 52,217 యూనిట్లుగా ఉన్నట్లు కంపెనీ పేర్కొంది. సాధారణంగా పండుగ సీజన్‌లో అమ్మకాలు పెరుగుతాయని, కానీ ఈ సంవత్సరం సెంటిమెంట్ కాస్తంత బలహీనంగా ఉందని హ్యుందాయన్ మోటార్ డైరెక్టర్ (మార్కెటింగ్ అండ్ సేల్స్) అరవింద్ సక్సేనా తెలిపారు. పెరిగిన ఇంధన ధరలు, వడ్డీ రేట్ల కారణంగా త్వరలోనే అమ్మకాలు పుంజుకుంటాయనే కంపెనీ అంచనా వేయడం లేదని ఆయన చెప్పారు.

కాగా.. హ్యుందాయ్ ఇయాన్‌ కారులో అమర్చిన 3-సిలిండర్, 815 సీసీ ఇంజన్ 56 పిఎస్‌ల శక్తిని, 76.5 ఎన్ఎమ్‌ల టార్క్‌ను విడుదల చేస్తుంది. ఇది లీటరుకు 21.1 కిలోమీటర్ల మైలేజీనిస్తుందని కంపెనీ తెలిపింది. ఇంకా ఇందులో డ్రైవర్ సైడ్ ఎయిర్ బ్యాగ్, ఫ్రంట్ పవర్ విండోస్, కీలెస్ ఎంట్రీ, ఫ్రంట్ ఫాగ్ ల్యాంప్స్, ఇమ్మొబిలైజర్, వంటి సదుపాయాలు కూడా ఉన్నాయి. ఇది ఆరు వేరియంట్లలో ఆరు ఆకర్షనీయమైన రంగుల్లో లభ్యమవుతుంది. హైదరాబాద్ మార్కెట్లో హ్యుందాయ్ ఇయాన్ ధరు రూ.2,74,799 నుంచి రూ.3,78,480 (ఎక్స్‌-షోరూమ్, హైదరాబాద్‌) మధ్యన ఉన్నాయి.

Article Published On: Wednesday, November 2, 2011, 8:08 [IST]

English summary

Hyundai Motor's recently launched compact car 'Eon' has got more than 9,000 bookings till date, company said in a statement. It also reported that, a decline of 7.5 percent in its cumulative sales for October at 48,325 units from 52,217 units in the like period of last year.

More from DriveSpark