నేపాల్ మార్కెట్‌కు వెళ్లనున్న హ్యుందాయ్ ఇయాన్

నేపాల్‌లోని లక్ష్మి ఇంటర్నేషనల్ కంపెనీ హ్యుందాయ్ ఇయాన్‌ను అధికారికంగా దిగుమతి చేసుకోనుంది. అయితే, నేపాల్ మార్కెట్లో హ్యుందాయ్ ధరెంతో తెలుసా జస్ట్ 14 లక్షల నేపాల్ రూపాయలు మాత్రమే. అంటే మన దేశ కరెన్సీలో సుమారు రూ.9 లక్షలు. నేపాల్‌లో హ్యుందాయ్ ఇయాన్ ఇంత అధిక ధర పలకడానికి కారణం నేపాల్‌లో ఉన్న అధిక దిగుమతి సుంకాలే.

నేపాల్‌లో కూడా హ్యుందాయ్ ఇయాన్ మారుతి సుజుకి ఆల్టో కారుకు గట్టి పోటీ ఇవ్వనుంది. ఇయాన్ భారత్‌లోనే కాదు నేపాల్‌లో కూడా చవక కారే. నేపాల్‌లో హ్యుందాయ్ శాంత్రో జింగ్ ధర 17 లక్షల నేపాల్ రూపాయలుగా ఉంది. అయితే, నేపాల్ మార్కెట్లో కేవలం మూడు వేరియంట్లు మాత్రమే అమ్ముడయ్యే అవకాశం ఉంది. మన మార్కెట్లో ఇయాన్ ఆరు వేరియంట్లలో లభ్యమవుతుంది.