మారుతి 800తో ఎగిరే కారును రూపొందించిన భారతీయుడు

Published: Friday, February 18, 2011, 17:59 [IST]

మారుతి 800 కారు గురించి భారతీయులకు పెద్దగా పరిచయం చేయాల్సిన అవసరం లేదు. మారుతి సుజికి సంస్థ ప్రవేశపెట్టిన తొలి భారత చిన్నకారు ప్రస్తుతం మెల్లి మెల్లిగా చరిత్రలో కలిసిపోతున్న సంగతి తెలిసిందే. అయితే ఒకప్పుడు రోడ్లపై మహరాజులా ప్రయాణించే మారుతి 800 సీసీ కారును గాల్లో కూడా ఎగిరేలా చేయగలలని ఓ ఔత్సాహికుడు ముందుకు వచ్చాడు. ఎ.కె. విశ్వనాథ్ అనే భారతీయ పరిశోధకుడు తాను ఓ ఎగిరే కారు (ఫ్లయింగ్ కార్)ను రూపొందించినట్లు ప్రకటించారు. కారు పైకప్పు భాగంలో హెలికాఫ్టర్‌కు ఉన్నట్లు రోటార్ బ్లేడ్‌లు ఉంటాయని, పైన శూన్య విభాగాన్ని వీల్ ఆర్చెస్ ద్వారా సృష్టించినట్లు విశ్వనాథ్ వివరించారు.

ఈ ఎగిరే కారును సృష్టించేందుకు తనకు 16 సంవత్సరాల సమయం పట్టిందని 52 ఏళ్ల విశ్వనాథ్ డైలీ మెయిల్ పత్రికతో తెలిపారు. రన్‌వే అవసరం లేకుండా ఇది పైకెగరగలదని, ఇప్పటికే ప్రయోగాత్మకంగా కూడా దీనిని పరీక్షించినట్లు కూడా ఆయన పేర్కొన్నారు. ఇప్పటి వరకూ విశ్వనాథ్ తన పరిశోధనలకు గానూ 40 పేటెంట్లను పొందారు. ఈ కారులో ఉపయోగించిన ఎలక్ట్రిక్ జనరేటర్ కారును గాల్లో ఎగిరేందుకు కావలసిన శక్తిని సమకూర్చుతుందని ఆయన తెలిపారు. బెంగుళూరు పేరుతో విశ్వనాథ్ సొంతంగా బెంగుళూరియన్ అనే ఓ కంపెనీను కూడా స్థాపించారు. ఇటీవల బెంగుళూరులో ఐదురోజుల పాటు జరిగిన ఏరో షో 2011లో విశ్వనాథ్ తన ఎగిరే కారును ప్రదర్శనకు ఉంచారు.

Article Published On: Friday, February 18, 2011, 17:04 [IST]

English summary

An Indian inventor, A.K. Vishwanath, has claimed that he has made a flying car with the help of India's first small car, Maruti. Made out of a seemingly ordinary 800cc Maruti car, it has rotor blades affixed to the roof with extended wheelarches creating a "vacuum section", and has been one of the star attractions at the Aero India 2011 air show in Bangalore.

More from DriveSpark