ఆగస్టు 19న ఫోర్స్ వన్ ఎస్‌యూవీ విడుదల..!?

Four Wheelers

oi-Ravi Shankar

By Ravi Shankar

Published: Friday, August 12, 2011, 15:02 [IST]

ప్రముఖ యుటిలిటీ వాహనల తయారీ సంస్థ ఫోర్స్ మోటార్స్ రూపొందిస్తున్న తొలి ఎస్‌యూవీ (స్పోర్ట్స్ యుటిలిటీ వాహనం) 'ఫోర్స్ వన్' గురించి గతేడాదిగా రూమర్లను వింటున్న సంగతి తెలిసిందే. అయితే, ఇటీవలే కంపెనీ ఈ విషయంపై ఓ ఖచ్ఛితమైన నిర్ణయాన్ని ప్రకటించడంతో ఈ రూమర్లకు తెరపడినట్లయింది. ఫోర్స్ మోటార్స్ తన తొలి ఎస్‌యూవీని ఈ నెలలో మార్కెట్లోకి విడుదల చేస్తానని ప్రకటించింది. ఈ నేపథ్యంలో తాజాగా.. ఫోర్స్ వన్ ఎస్‌యూవీ ఆగస్టు 19న భారత రోడ్లపై టైర్లు మోపనుందనే గుసగుసలు కూడా వినిపిస్తున్నాయి.

గడచిన జూనె 23న కంపెనీ కొత్త ఎస్‌యూవీ పేరును మరియు లోగోను ఆవిష్కరించింది. అతి త్వరలోనే ఈ మోడల్‌ను మార్కెట్లోకి తీసుకువస్తామని కూడా కంపెనీ ప్రకటించడం జరిగింది. ఇప్పటికే ఆగస్టు నెలలో చాలా ఆటోమొబైల్ కంపెనీలు తమ ఉత్పత్తులను విడుదల చేసేందుకు ఆసక్తి చూపుతున్నారు. దేశపు అగ్రగామి కార్ల తయారీ సంస్థ మారుతి సుజుకి కూడా తన కొత్త స్విఫ్ట్ హ్యాచ్‌బ్యాక్ కారును ఆగస్టు 17న విడుదల చేయాలని భావిస్తోంది. టాటా మోటార్స్ నుంచి కొత్త ఇండియా విస్టా, ఫోక్స్‌వ్యాగన్ కొత్త జెట్టా మరియు హోండా కొత్త జాజ్ హ్యాచ్‌బ్యాక్ వంటి మోడళ్లు ఆగస్టు నెలలో హల్ చల్ చేయనున్నాయి.