దక్షిణ భారతదేశంలో రెండు కొత్త ప్లాంట్లు: జామ్నా ఆటో

Published: Tuesday, March 8, 2011, 15:29 [IST]

ఆటోమొబైల్ పరికరాల తయారీ సంస్థ జామ్నా ఆటో మరో రెండు కొత్త యూనిట్లను నెకొల్పనున్నట్లు ప్రకటించింది. కొత్తగా ఏర్పాటు చేయబోయే ఉత్పత్తి యూనిట్లను తమిళనాడు రాష్ట్రంలోని హోసూర్, చెన్నయ్‌లలో నిర్మించనున్నామని, ఇందుకోసం రూ. 80 కోట్లను పెట్టుబడులగా వెచ్చించనున్నామని కంపెనీ పేర్కొంది. ఈ ప్లాంట్లలో వాణిజ్య వాహనాలకు అవసరమయ్యే విడిభాగాలను తయారు చేయనుంది. కాగా.. హోసూర్‌లో ఏర్పాటు చేయనున్న ప్లాంట్‌లో ప్యారాబోలిక్ స్ప్రింగ్‌లను ఉత్పత్తి చేయనున్నామని, ఇది డిసెంబర్ 2011 నాటికి వినియోగంలోకి రాగలదని కంపెనీ ఓ ప్రకటనలో పేర్కొంది.

అలాగే చెన్నయ్‌లో ఏర్పాటు చేయనున్న ప్లాంటులో ఎయిర్ సస్పెన్షన్, బోగీ సస్పెన్షన్, లిఫ్ట్ యాక్సిల్స్‌లను తయారు చేయనున్నామని, ఈ ప్లాంటులో జులై 2011 నుంచి ఉత్పత్తి ప్రక్రియను చేపట్టవచ్చునని కంపెనీ తెలిపింది. డైమ్లర్ ఇండియా, రీనాల్ట్-నిస్సాన్, అశోక్ లేల్యాండ్, టాటా మోటార్స్ వంటి ప్రముఖ వాణిజ్య వాహన తయారీదారులకు జామ్నా ఆటో పరికరాలను సరఫరా చేస్తుంది. ఈ ప్రాంతాలలో ఆటో పరిశ్రమ బాగా వృద్ధి చెందడం కారణంగానే దక్షిణ భారతదేశంలో విస్తరణ పనులు చేపట్టామని జామ్నా ఆటో సీఈఓ రణదీప్ జవహర్ తెలిపారు.

Article Published On: Tuesday, March 8, 2011, 15:29 [IST]

English summary

Auto component maker Jamna Auto today said it will set up two new manufacturing units at Hosur and Chennai to produce parts for commercial vehicles, entailing a total investment of Rs 80 crore. The Hosur facility is being set up to manufacture parabolic springs and the plant is expected to go on-stream in December 2011, the company said in a statement.

More from DriveSpark