Click it and Unblock the Notifications
150 కేజీల పల్సర్ బైక్ను గాల్లోకి ఎత్తిన జాన్ అబ్రహాం!
అయితే, ఈ సన్నివేశాన్ని ఎలాంటి డూప్ లేకుండా జాన్ అబ్రహాం స్వతహాగా చేయాలని నిర్ణయించుకున్నాడని, ఈ సన్నివేశాన్ని చిత్రీకరిస్తున్నప్పుడు తాను సెట్లో లేనని ఫోర్స్ చిత్ర నిర్మాత విపుల షా తెలిపారు. అంతేకాదండోయ్ ఈ సన్నివేశాన్ని చిత్రీకరించేటప్పుడు ఈ బైక్కు ఎలాంటి తాళ్ల(రోప్స్)ను కూడా కట్టొద్దని జాన్ చెప్పినట్లు షా అన్నారు. ఈ సన్నివేశాన్ని చిత్రీకరించడానికి చాలా టేక్లు పట్టయాని, జాన్ ఎంతో శ్రమించి ఈ భారీ స్టంట్ను పూర్తి చేశాడని విపుల్ షా తెలిపారు.
వాస్తవానికి జాన్ కండల వీరుడే అయినప్పటికీ.. 100 కేజీల బరువున్న అమ్మాయిని అయితే ఎత్తుకోగలం కానీ.. 150 కేజీల బరువున్న బైక్ను గాల్లో గిరా గిరా తిప్పడమేంటని విమర్శకులు విస్మయం వ్యక్తం చేస్తున్నారు. దీనికి సంబంధించి విడుదలైన ఫోటోలో కూడా జాన్ బైక్ను పైకెత్తినట్లుగా తెలుస్తోంది కానీ, బైక్కు తాళ్లు ఉన్నాయా లేవా అనే విషయం మాత్రం తెలియడం లేదు. ఒకవేళ జాన్ నిజంగా ఈ స్టంట్ చేసి ఉంటే.. ఇతడిని ఒలంపిక్ గేమ్స్కు పంపించవచ్చని సినీ జనం సెటైర్లు వేసుకుంటున్నారు.
తమిళంలో సూర్య-జ్యోతిక నటించి 'కాక్కా కాక్కా' చిత్రాన్ని తెలుగులో విక్టరీ వెంకటేష్, అసిన్ల కాంబినేషన్లో 'ఘర్షణ' పేరుతో రీమేక్ చేశారు. కాగా.. ఇప్పుడు ఇదే సినిమాను హిందీలో 'ఫోర్స్' పేరుతో జాన్ అబ్రహామ్ మరియు జెనీలియాల కాంబినేషన్లో రీమేక్ చేస్తున్నారు. మరి ఇది రియల్ స్టంట్ లేకా సినిమా పబ్లిసిటీలో భాగమా అనేది తేలాల్సి ఉంది. ఇక పల్సర్ బైక్ విషయానికి వస్తే.. భారత్లో ఉన్న ఏ జపనీస్ స్పోర్ట్స్ బైక్ను తీసుకున్నా సదరు మోడల్ కన్నా ఐదు రెట్లు అధికంగా బజాజ్ పల్సర్ అమ్మడవుతోండటం విశేషం.
Continue with Google