ఈబేలో కేట్ మిడిల్టన్ ఫోక్స్‌వ్యాగన్ గోల్ఫ్ కారు వేలం

కేట్ ఉపయోగించిన బ్లూ కలర్ "ఫోక్స్‌వ్యాగన్ గోల్ఫ్" కాంపాక్ట్ కారును ఆన్‌లైన్ ఆక్షన్ సంస్థ ఈబే (eBay) వేలానికి ఉంచింది. ఈ కారును కేట్ 2001లో 10,818 యూరోలు చెల్లించి కొనుగోలు చేశారు.

మీడియా కథనాల ప్రకారం.. కేట్ సోదరుడు జేమ్స్ ఈ కారును ఓ సెకండ్ హ్యాండ్ కార్ల డీలర్‌కు విక్రయించినట్లు సమాచారం. అప్పటికి ఈ కారు రీడింగ్ 60,000 మైళ్ల దూరం ప్రయాణించినట్లు సూచించబడి ఉన్నట్లు తెలుస్తోంది. ఈ కారు కనీస బిడ్డింగ్ 20,000 యూరోల వద్ద ప్రారంభమైన 24వ తేదీన కేట్ కారు ఆక్షన్‌ను ఈబే ఖరారు చేయనుంది.

కాగా.. ఈ కారుకు ఇప్పటికే 15 బిడ్‌లు రాగా.. ప్రస్తుతం బిడ్డింగ్ ధర 35,100 యూరోలుగా ఉంది. మరి ఈ అందాల సుందరి అందమైన వస్తువును ఎవరు సొంతం చేసుకుంటారో తెలియాలంటే మరొక్క రోజు వేచి ఉండక తప్పదు. ఈబేకు సంబంధించి మరిన్ని వివరాలకై క్లిక్ చేయండి.