బుగాటి వేరాన్‌ను ఓవర్‌టేక్ చేయనున్న లాంబోర్గినీ అవెంటేడర్

Published: Monday, August 8, 2011, 16:54 [IST]

ప్రపంచంలోనే అత్యంత వేగంగా ప్రయాణించే సూపర్‌కార్ల తయారీకు బుగాటి మరియు లాంబోర్గినీ కంపెనీలు రెండు స్థంబాల్లాంటివని చెప్పొచ్చు. ప్రస్తుతం ప్రపంచంలోనే అత్యంత వేగంగా ప్రయాణించే కారును బుగాటి వేరాన్. దీని గరిష్ట వేగం గంటకు 431.07 కిలోమీటర్లు (గంటకు 267.85 మైళ్లు). అయితే, ఈ రికార్డును త్వరలోనే లాంబోర్గినీ ఓవర్‌టేక్ చేయనుంది. బుగాటి వేరాన్ సూపర్‌కారు కన్నా మరింత వేగంగా ప్రయాణించే సూపర్‌కారు 'లాంబోర్గినీ అవెంటేడర్'ను లాంబోర్గినీ అభివద్ధి చేస్తోంది.

ఈ ఏడాది జరగనున్న ఫ్రాంక్‌ఫర్ట్ ఆటోషోలో లాంబోర్గినీ ఈ సూపర్‌కారను ఆవిష్కరించే అవకాశం ఉంది. ఇప్పటికే ఈ కారు ఇంటర్నెట్‌లో వేగంగా దూసుకుపోతుంది. లాంబోర్గినీ అవెంటేడర్ కారు యొక్క స్పై-షాట్స్ (రహస్య చిత్రాల) ప్రకారం, ఇది బుగాటి వేరాన్ లాంటి చక్రాలను మరియు డ్యుయెల్ ఎగ్జాస్ట్ (సైలెన్సర్)ను కలిగి ఉన్నట్లు తెలుస్తోంది. ఏదేమైనప్పటికీ.. ఈ కారుకు సంబంధించిన ఫీచర్లు మరియు సాంకేతిక వివరాలను కంపెనీ అధికారికంగా వెల్లడించాల్సి ఉంది.