'లోగాన్' కారు పేరు 'వెరిటో'గా మార్చిన మహీంద్రా & మహీంద్రా

ఇటీవల ఈ రెండు కంపెనీల జాయింట్ వెంచర్‌లో రీనాల్ట్‌కు ఉన్న 49% వాటాను ఎమ్ & ఎమ్ సొంతం చేసుకోవడంతో ఇది పూర్తిగా మహీంద్రా చేతుల్లోకి వచ్చింది. దీంతో ఈ కారులో కొద్దిపాటి మార్పులు చేసి పేరును లోగోను మార్చేసి తాజాగా మార్కెట్లోకి విడుదల చేసింది.

ఈ మార్పులతో పాటు కారు ధరలలో కూడా మహీంద్రా అండ్ మహీంద్రా కంపెనీ మార్పులు చేసింది. ఒకప్పుడు పెట్రోల్, డీజిల్ వేరియంట్‌లలో లభించే ఈ కారు ధరలు రూ. 4.67 నుంచి రూ. 6.47 లక్షల(ఎక్స్ షోరూమ్) మధ్యలో ఉండేవి. అయితే ప్రస్తుతం వెరిటో పేరు మారిన లోగాన్ కారు ధరలు రూ. 4.82 నుంచి రూ. 5.62 లక్షలకు మార్చినట్లు కంపెనీ పేర్కొంది. అయితే పాత లోగాన్ కార్లకు సర్వీస్‌లను, విడిభాగాలను అందిస్తామని కంపెనీ వివరించింది.