ప్రపంచ మార్కెట్లోకి మహీంద్రా జెనియో పికప్ ట్రక్

త్వరలోనే లాటిన్ అమెరికా మార్కెట్లోకి ప్రవేశించాలని కంపెనీ యోచిస్తోంది. భారత్‌లో ఇది తమకు తొలి గ్లోబల్ లాంచ్ అని, మహీంద్రాలో ప్రతి ఒక్కరూ గర్వించదగిన క్షణమని మహీంద్రా అండ్ మహీంద్రా అద్యక్షుడు పవన్ గోయెంకా జెనియో విడుదల సందర్భంగా వ్యాఖ్యానించారు. గ్లోబల్ మార్కెట్ కోసం ప్రత్యేకంగా రూపొందించిన జెనియో పికప్ ట్రక్ చాకన్‌లోని ప్లాంటులో తయారవుతుంది.

చిన్న మరియు మద్య తరహా వ్యాపార అవసరాలను దృష్టిలో ఉంచుకొని పికప్ ట్రక్‌ను రూపొందించారు. ఇందులో శక్తివంతమైన ఎమ్‌హాక్ డీజిల్ ఇంజన్‌ను ఉపయోగించడం వలన ఇది ఎక్కువ బరువును లాగేందుకు సహకరిస్తుంది. 2.2 లీటర్ డీజిల్ ఇంజన్ 120 bhp @ 4000 rpm మరియు 290 Nm @ 1600-2800rpmల టార్క్‌ను విడుదల చేస్తుంది.