రాష్ట్ర మార్కెట్లో జినియో పిక్-అప్‌ను విడుదల చేసిన మహీంద్రా

Published: Tuesday, February 22, 2011, 10:16 [IST]

దేశీయ ఆటోమొబైల్ దిగ్గజం మహీంద్రా అండ్ మహీంద్రా ఇటీవల భారత మార్కెట్లో విడుదల చేసిన 1.25 టన్నుల సామర్ధ్యం కలిగిన పికప్ వాహన "మహీంద్రా జినియో" ఎట్టకేల రాష్ట్ర మార్కెట్లో అడుగుపెట్టింది. బిఎస్‌-3, బిఎస్‌-4 అనే వేరియంట్లలో ఈ పిక్-అప్ వాహనాన్ని రాష్ట్ర మార్కెట్లో మహీంద్రా అండ్‌ మహీంద్రా రీజనల్‌ మేనేజర్‌ జయ్‌ దీప్‌ దాస్‌ ఆవిష్కరించారు. బిఎస్‌-3 వేరియంట్‌ ధర 5.06 లక్షలు (ఎక్స్-షోరూమ్) గానూ బిఎస్‌-4 ధర 5.20 లక్షల (ఎక్స్-షోరూమ్) రూపాయలుగా నిర్ణయించినట్లు ఆయన వివరించారు. రాష్ట్రంలో వివిసి మోటార్స్‌ ద్వారా ఇవి అందుబాటులో ఉంటాయని ఆయన తెలిపారు.

మహీంద్రా జినియోలో ఏర్పాటు చేసిన ఇంజన్, గేర్ సిస్టమ్‌లు సాధారణ కార్ల మాదిరిగానే సౌకర్యంగా ఉంటాయని దీనికి అదనంగా ఎయిర్‌ కండిషన్‌, ఫాగ్‌లాంప్స్‌ తదితర సదుపాయాలను అమర్చుకోవచ్చని, ఆంధ్రప్రదేశ్‌లో ప్రతినెలా 150 జినియోలను విక్రయించాలని లక్ష్యంగా నిర్ణయించుకున్నామని ఆయన వివరించారు. ప్రమ్తతం తమ సంస్థ పికప్‌ సెగ్మెంట్‌లో 90 శాతం మార్కెట్‌ వాటాను కలిగివుందని, సమీప భవిష్యత్‌లో ప్రతి రెండు మూడు నెలలకూ ఒక కొత్త వాహనాన్ని విడుదల చేసేందుకు ప్రణాళికలు రూపొందించినట్టు ఆయన తెలిపారు. డైమండ్ వైట్, మార్వెల్ గ్రానైట్, సిల్వర్ షైన్ (మెటాలిక్), స్కైలైన్ బ్లూ అనే నాలుగు రంగులలో జినియో లభ్యమవుతుంది.

Article Published On: Tuesday, February 22, 2011, 10:16 [IST]

English summary

The Indian auto giant Mahindra said it has launched the 1.2 tonne truck Genio for the Indian market at Rs4.99. Soon more models under this Genio platform would roll off this year, said the company’s President for Automotive and Farm Equipment. M&M has retained the design structure of its own Indigeno for this Genio truck with chassis and whole design in superior context.

More from DriveSpark