ఇండియన్ గ్రాండ్ ప్రి కోసం మహీంద్రా స్కార్పియోల హెల్ప్

ఈ మేరకు గ్రాండ్ ప్రికు ఆతిథ్యమిస్తున్న బుధ్ ఇంటర్నెషనల్ సర్క్యూట్ (బిఐసి)తో మహీంద్రా అండ్ మహీంద్రా ఐదేళ్ల కాలపరిమితి కలిగిన ఓ ఒప్పందంపై సంతకాలు చేసింది. ఇందులో భాగంగా రానున్న ఐదేళ్లపాటు గ్రేటర్ నోయిడాలో ఉన్న బిఐసిలో జరగబోయే ప్రతి మోటార్‌స్పోర్ట్ ఈవెంట్‌కు ఎమ్ అండ్ ఎమ్ వాహన సేవలను సమకూర్చనుంది.

ఈ ఒప్పందం ప్రకారం, 25 స్కార్పియో (10 స్కార్పియో విఎల్ఎక్స్‌లు మరియు 15 స్కార్పియో గేట్‌వే) లను అక్టోబర్ 30న జరగనున్న ఎయిర్‌టెల్ గ్రాండ్ ప్రి ఆఫ్ ఇండియా ఈవెంట్ కోసం సమకూర్చనుంది. ఇప్పటికే మహీంద్రా నిర్వహిస్తున్న గ్రేట్ ఎస్కేప్, మోనస్టరీ ఎస్కేప్ వంటి ఆఫ్-రోడ్ ర్యాలీలను మరింత పాపులర్ చేయడంలో బిఐసితో కుదుర్చున్న ఒప్పందం మహీంద్రాకు ఎంతగానో సహకరించనుంది.