శ్రీలంక పోలీసుల వాహనంగా మహీంద్రా స్కార్పియో

Published: Thursday, August 4, 2011, 17:42 [IST]

ప్రముఖ దేశీయ యుటిలిటీ వాహనాల తయారీ సంస్థ మహీంద్రా అండ్ మహీంద్రా అందిస్తున్న ఫ్లాగ్‌షిప్ ఎస్‌యూవీ మహీంద్రా స్పార్పియోకు అంతర్జాతీయంగా అభిమానులు ఎక్కువయ్యారు. తాజాగా శ్రీలంక ప్రభుత్వం కూడా మహీంద్రా స్కార్పియోకు పెద్ద అభిమానిగా మారిపోయింది. మహీంద్రా స్కార్పియో ఇప్పుడు శ్రీలంక పోలీసుల వాహనంగా మారింది. శ్రీలంక తమ మిలటరీ మరియు పోలీసు అధికారుల కోసం 137 మహీంద్రా స్కార్పియోలను దిగుమతి చేసుకుంది. అంతేకాకుండా శ్రీలంక పోలీసులు కూడా 485 స్కార్పియోలను ఆర్డర్ చేశారు.

ఈ సందర్భంగా మహీంద్రా అండ్ మహీంద్రా ఆటోమోటివ్ అండ్ ఫామ్ ఎక్విప్‌మెంట్ అధ్యక్షుడు పవన్ గోయెంకా మాట్లాడుతూ.. శ్రీలంక పోలీసు బలగాల కోసం అలాగే, రక్షణ మంత్రిత్వ శాఖ (ఎమ్ఓడి) మహీంద్రా స్కార్పియో ఎల్ఎక్స్ 4డబ్ల్యూ ఎస్‌యూవీను ఎన్నుకోవడం మాకెంతో గర్వంగా ఉంది. పోలీస్ మరియు ఎమ్ఓడిల రోజూవారీ కార్యకలాపాల్లో ఇది మంచి పేరు తెచ్చుకోగలదని నేను ఖచ్చితంగా చెప్పగలనని అన్నారు. భారత ఎస్‌యూవీ మార్కెట్లో ఓ కొత్త ట్రెండ్‌ను సృష్టించిన మహీంద్రా స్కార్పియో ఎల్ఎక్స్ వెర్షన్ 2.2 లీటర్ ఎమ్‌హాక్ డీజిల్ ఇంజన్‌తో లభిస్తుంది.

Article Published On: Thursday, August 4, 2011, 15:38 [IST]

English summary

The Mahindra Scorpio is quickly getting an international fan following. The latest fan is none other than the Sri Lankan Government. To add muscle to its military and police division Sri Lanka has imported 137 Mahindra Scorpios. The Sri Lankan Police has also ordered for 485 Scorpios.

More from DriveSpark