టాటా మ్యాజిక్‌కు పోటీగా మహీంద్రా మాక్సిమో మినీ వ్యాన్

టాటా మ్యాజిక్, మారుతి ఓమ్నీలకు మాక్సిమో గట్టి పోటీ ఇస్తుందని, పట్టణ, గ్రామీణ ప్రాంతాల మార్కెట్లను దృష్టిలో ఉంచుకొని దీనిని తయారు చేశామని ఆయన చెప్పారు. దేశవ్యాప్తంగా గల 230 డీలర్లు, 600 ఔట్‌లెట్ల ద్వారా మాక్సిమో వ్యాన్ అందుబాటులో ఉంటుందని ఆయన వివరించారు. ఈ మినీ వ్యాన్‌కు పెద్ద బాడీతో పాటు లోపల విశాలమైన స్థలం ఉంటుందని, ఇంకా ఇందులో మోనోకోక్యు చాసిస్‌, ఇండిపెండెంట్‌ ఫ్రంట్‌ సస్పెన్షన్‌ ఉండంటం వల్ల ప్రయాణం సౌకర్యవంతంగా ఉంటుందని కంపెనీ పేర్కొంది.

మాక్సిమో మినీ వ్యాన్‌ 900 సీసీ ట్విన్-సిలిండర్ సీ2 సీఆర్‌డీఈ డీజిల్‌ ఇంజన్ టెక్నాలజీని కలిగి ఉండి, 25 హార్స్‌పవర్‌ శక్తితో గంటకు 70 కిలోమీటర్ల గరిష్టవేగంతో ప్రయాణిస్తుందని కంపెనీ వివరించింది. ఇది లీటరుకు 18 కిలోమీటర్ల మైలేజ్‌ను ఇస్తుందని కంపెనీ తెలిపింది. మాక్సిమో మినీ వ్యాన్‌‌లో ఎనిమిది మంది పెద్దవాళ్లు కూర్చుని సౌకర్యవంతంగా ప్రయాణించవచ్చు. ఇది డైమండ్ వైట్, ఆపీ రెడ్ అనే రెండు రంగులలో లభిస్తుంది.