Click it and Unblock the Notifications
బుల్లెట్-ప్రూఫ్ కార్లకు 'నో' చెప్పిన సీఎం మమతా బెనర్జీ!!
నలుపు రంగులో ఉండే హ్యుందాయ్ శాంత్రో హ్యాచ్బ్యాక్ కారును తృణమూల్ కాంగ్రెస్ పార్టీ తమ చైర్పర్సన్ కోసం కొనుగోలు చేసింది. ఈ కారు మమత ఆల్-టైమ్ ఫేవరెట్ కూడా. ఎక్కువ దూరం ప్రయాణించేటప్పుడు మమతా బెనర్జీ తన స్పోర్ట్స్ యుటిలిటీ వాహనం (ఎస్యూవీ) "మహీంద్రా స్కార్పియో"ను ఉపయోగిస్తారు. ఇటీవల జరిగిన అసెంబ్లీ ఎన్నికల ప్రచారంలో కూడా ఈ ఎస్యూవీనే మమత ఎక్కువగా ఉపయోగించారు. అంతేకాదు తాను సిటీలో పర్యటించేటప్పుడు ఎక్కువ కార్లను వినియోగించడాన్ని కూడా తగ్గించాలని ఆమె భద్రతా సిబ్బందిని కోరారు.
అందుకే మమత సిటీలో పర్యచించేటప్పుడు తొమ్మిది క్ననా తక్కువ కార్లు మాత్రమే ఉంటాయి. ప్రజా ధనాన్ని తన వ్యక్తిగత భద్రత కోసం వినియోగించడం ఇష్టం లేదని అందుకే బుల్లెట్-ప్రూఫ్ కార్లను నిరాకరిస్తున్నట్లు ఆమె తెలిపారు. మమత ఎల్లప్పుడూ కారు ముందు సీట్లో కూర్చునే ప్రయాణిస్తారు. ఓ మెడికల్ కిట్, చాక్లెట్లు ఆమె కార్లో ఎల్లప్పుడూ ఉంటాయి. ఎంత అధికారం, సంపద ఉన్నప్పటికీ సాధాసీదాగా కనిపించడం దీదీ స్పెషాలిటీ. అందుకే.. ఆమె అభిమానులందరూ.. ఈస్ట్ టూ వెస్ట్ దీదీ ఈజ్ ది బెస్ట్ అంటుంటారు.
Continue with Google