మారుతి సుజుకి 'వ్యాగన్ ఆర్ థింక్ బిగ్ ఛాలెంజ్ 2'

Published: Tuesday, January 25, 2011, 8:33 [IST]

వివిధ మార్కెటింగ్ విధానాల ద్వారా తమ విక్రయాలను మరింత పెంచుకునేందుకు మారుతి సుజుకి సరికొత్త ప్రణాళికలకు రూపకల్పన చేస్తుంది. ఇందులో భాగంగా.. మారుతి మరోసారి క్విజ్ ప్రోగ్రామ్‌తో ముందుకు వచ్చింది. తమ వ్యాపారాన్ని విస్తరించుకునే దిశగా మారుతి సుజుకి "వ్యాగన్ ఆర్ థింక్ బిగ్ ఛాలెంజ్ 2" పేరుతో ఓ క్విజ్ కార్యక్రమాన్ని నిర్వహిస్తుంది. ఈ పోటీలో గెలిచిన విజేతకు ఓ వ్యాగన్ ఆర్ కారుతో పాటు పది లక్షల రూపాయల నగదు బహుమతిని అందజేయడం జరుగుతుంది.

ఈ సందర్భంగా కంపెనీ ఛీఫ్ జనరల్ మేనేజర్ (మార్కెటింగ్) మాట్లాడుతూ.. ఈ క్విజ్‌లో వివిధ స్టేజ్‌లపై మల్టిపుల్ టెస్టులు ఉంటాయని, మార్కెట్ కిటుకులను ఆచరణలో పెట్టడంలో ఓ వ్యక్తి కనబరచిన ప్రతిభ ఆధారంగా ఈ క్విజ్ నిర్వహించబడుతుందని ఆయన వివరించారు. ఈ క్విజ్ గురించి ఒక్కమాటలో చెప్పాలంటే కంపెనీ విక్రయాలను పెంచేందుకు ఎలాంటి పథకాలు అవలంభిస్తే సత్ఫలితాలు వస్తాయో వివరించడం అన్నమాట. గతేడాది కూడా మారుతి ఈ తరహా క్విజ్‌ను నిర్వహించిన సంగతి తెలిసిందే.

Article Published On: Tuesday, January 25, 2011, 8:33 [IST]

English summary

In a bid to increase its sale volume through various marketing strategies Maruti Suzuki is back with the quiz form. The scheme was launched last year to focus and enhance the business modes and the resultant scheme is WagonR Think Big Challenge 2. The winner in this campaign will be entitled to receive Rs10 lakh cash prize in addition to a WagonR car.

More from DriveSpark