కంపెనీ ఆదాయాలపై మారుతి సుజికి అంచనాలు

Published: Monday, February 28, 2011, 11:21 [IST]

భారతదేశపు అతిపెద్ద కార్ల తయారీ సంస్థ అయిన మారుతి సుజుకి ఇండియా (ఎమ్ఎస్ఐ) ఈ ఆర్థిక సంవత్సరంలో కంపెనీ విక్రయాల ద్వారా వచ్చే ఆదాయం 25 శాతం (దాదాపు రూ. 38,000 కోట్ల) మేరకు పెరగవచ్చునని అంచనా వేస్తుంది. కాగా.. ప్రస్తుత ఆర్థిక సంవత్సరం (2010-11)లో కంపెనీ ఇప్పటి వరకూ 27 శాతం వృద్ధిని కనబరిచింది. కానీ.. 2011-12 ఆర్థిక సంవత్సరంలో వాహన విక్రయ వృద్ధి మందగించి 12-14 శాతానికి పడిపోవచ్చునని కంపెనీ తెలిపింది.

ఇప్పటి వరకూ తమకు మంచి డిమాండ్ ఉందని, గడచిన మూడు త్రైమాసికాల్లోనూ మారుతి ఆదాయం గణనీయమైన వృద్ధిని సాధించామని, అలాగే ప్రస్తుత త్రైమాసికంలో ఫిబ్రవరి, మార్చి నెలలను గమనిస్తామని, కానీ లాభాలు అధికంగా గాని, యథాతథంగా గానీ ఉండవచ్చునని మారుతి సుజికి ఇండియా ఛీఫ్ ఫైనాన్షియల్ ఆఫీసర్ అజయ్ సేత్ పేర్కొన్నారు. 2009-10 ఆర్థిక సంవత్సరంలో మారుతి సుజికి రూ. 30,119.77 కోట్లుగా ఉంది. అలాగే ప్రస్తుత ఆర్థిక సంవత్సరం మొదటి తొమ్మిది నెలల కాలంలో కంపెనీ ఆదాయంలో 26.33 శాతం వృద్ధిని సాధించి, గతేడాదితో పోలిస్తే రూ. 21,617.65 కోట్ల నుంచి రూ. 27,310.35 కోట్లకు పెంచుకుంది.

Article Published On: Monday, February 28, 2011, 11:21 [IST]

English summary

The country's largest carmaker Maruti Suzuki India today said it is expecting sales revenue to grow by over 25 % to nearly Rs 38,000 crore in the current financial year on the back of robust sales. The company, however, sees vehicles sales growth rate to slow down to 12-14 % during 2011-12 financial year as against 27 % it has so far achieved in this fiscal.

More from DriveSpark