మూడో త్రైమాసికంలో 18 శాతం క్షీణించిన మారుతి లాభాలు

Published: Monday, January 31, 2011, 14:32 [IST]

భారత ఆటో దిగ్గజం మారుతి సుజికి వృద్ధికి ఈ ఆర్థిక సంవత్సరం మూడో త్రైమాసికంలో బ్రేక్ పడింది. డిసెంబర్ 31, 2010తో ముగిసిన మూడో త్రైమాసికంలో కంపెనీ నిరాశజనక ఆర్థిక ఫలితాలను ప్రకటించింది. 2009 డిసెంబర్ త్రైమాసికంతో పోలిస్తే కంపెనీ నికర లాభాలు 17.80 శాతం క్షీణించాయి. మార్కెట్లో ముడిసరుకుల ధరలు పెరిగిపోడం, విదేశీ మారకద్రవ్యం విలువల మార్పుల వ్యతిరేక ప్రభావం, రాయితీలు ఎక్కువగా ఇవ్వడం తదితర కారణాల వల్ల కంపెనీ లాభాలు క్షీణించాయని మారుతి పేర్కొంది.

అంతకు ముందు సంవత్సరం (2009 డిసెంబర్ త్రైమాసికంలో) మూడవ త్రైమాసికంలో కంపెనీ నికరలాభం రూ. 687.53 కోట్లు ఉండగా.. 2010 మూడవ త్రైమాసికంలో నికరలాభం రూ. 565.17 కోట్లకు పడిపోయింది. ఇదే సమయంలో నికర అమ్మకాలు 26.49 శాతం పెరిగాయి. 2009 మూడో త్రైమాసికంలో రూ. 7,333.77 కోట్ల విక్రయాలు జరగగా.. 2010 మూడో త్రైమాసికంలో రూ. 9,276.73 కోట్లకు పెరిగాయి.

గత 2009 క్యూ3లో 2,58,026 యూనిట్లను విక్రయించగా.. ఈ త్రైమాసికంలో అది 28.16 శాతం వృద్ధి చెంది 3,30,687 యూనిట్లకు పెరిగాయి. ఒక్క దేశీయ మార్కెట్లోనే విక్రయాలు 36.83 శాతం వృద్ధిని సాధించి 2,18,910 యూనిట్ల నుండి 2,99,527 యూనిట్లకు పెరిగాయి. ఈ సమయంలో ఆల్టో, స్విఫ్ట్, వ్యాగన్ ఆర్ కారు విక్రయాలు అధికంగా జరిగినట్లు కంపెనీ వెల్లడించింది.

Article Published On: Monday, January 31, 2011, 14:32 [IST]

English summary

The outcome of the 2010 calendar year for Maruti Suzuki is not a pleasant one during theQ3 when its net profit faced a fall by 18%. This came despite its supremacy in the Indian car market and the increased input costs, said a company report. Other factors which brought this downfall include fluctuated foreign exchange rates and unstinted royalty payment. With these hiccups, the company posted a decline of 17.80% in the net profit for the period mentioned.

More from DriveSpark