డీజిల్ కార్ల ధరలను రూ.10,000 మేర పెంచిన మారుతి

Published: Tuesday, November 15, 2011, 12:47 [IST]

దేశపు అగ్రగామి ఆటోమొబైల్ సంస్థ మారుతి సుజుకి ఇండియా డీజిల్ కార్లను ధరలను ఏకంగా రూ.10,000 మేర పెంచింది. మారుతి సుజికి అందిస్తున్న వివిధ మోడళ్లను బట్టి డీజిల్ కార్ల ధరలు రూ.2,000 నుండి రూ.10,000 మేర పెరిగాయి. పెరిగిన ధరలు సోమవారం నుండే అమలులోకి రానున్నట్లు కంపెనీ పేర్కొంది. ఉత్పత్తి వ్యయాలు పెరగడం, జపాన్ కరెన్సీ యెన్ బలపడడంతో జపాన్ నుంచి దిగుమతి చేసుకునే ఆటో విడిభాగాల ధరలు పెరగడంతో కార్ల ధరలు పెంచక తప్పడం లేదని కంపెనీ వివరించింది.

ఈ తాజా పెంపుతో మారుతి సుజుకి బెస్ట్ సెల్లింగ్ మోడల్ రిట్జ్ డీజిల్ వేరియంట్ ధర రూ.2,000 పెరిగింది. అలాగే, స్విఫ్ట్, స్విఫ్ట్ డిజైర్, ఎస్‌ఎక్స్4 మోడళ్ల డీజిల్ వేరియంట్ల ధరలు కూడా రూ.10,000 వరకూ పెరిగాయి. ధరలు పెరగకముందు డీజిల్‌ వెర్షన్‌ రిట్జ్‌ హ్యాచ్‌బ్యాక్ ధర రూ.4.93 లక్షల నుంచి రూ.5.29 లక్షల మధ్య ఉంది. ఇకపోతే మారుతి సుజుకి స్విఫ్ట్‌ రూ.5.17 లక్షల నుంచి 6.38 లక్షలు, స్విఫ్ట్ డిజైర్ సెడాన్ ధర రూ.5.86 లక్షల నుంచి రూ.7.20 లక్షలు, ఎస్ఎక్స్4 సెడాన్ ధరలు రూ.7.79 లక్షల నుంచి రూ.9.01 లక్షల మధ్యలో ఉన్నాయి.

Article Published On: Tuesday, November 15, 2011, 12:47 [IST]

English summary

Maruti Suzuki has increased the prices of its diesel cars by Rs.2,000 to Rs.10,000 in the face of increasing production costs and decreasing profit margins. The price has been effective from Monday itself. The cars that have seen a price hike are the diesel variants of the Swift, DZire, Ritz and SX4.

More from DriveSpark