ఇయాన్‌కు ధీటుగా లిమిటెడ్ ఎడిషన్ మారుతి ఆల్టో ఎక్స్‌ప్లోర్

Published: Thursday, October 13, 2011, 15:15 [IST]

కొత్త మోడళ్లను విడుదల చేయడంలో మారుతి సుజుకి, హ్యుందాయ్ ఇండియా కంపెనీలు ఒకదానితో ఒకటి ఎప్పటి నుండో పోటీ పడుతున్న సంగతి తెలిసిందే. ఈ నేపథ్యంలో హ్యుందాయ్ ఇయాన్ నేడు దేశీయ విపణిలోకి తమ చౌక కారు 'ఇయాన్'ను విడుదల చేసింది. అయితే, గతకొద్ది కాలంగా.. ఇయాన్ రాకతో మారుతి ఆల్టో స్థానం పతనం కానుందనే వార్తలు వస్తుండటంతో దేశపు అగ్రగామి కార్ల తయారీ సంస్థ మారుతి సుజుకి తమ చిన్న కారు ఆల్టోలో ఓ కొత్త లిమిటెడ్ ఎడిషన్ వేరియంట్‌ను పరిచయం చేసింది.

మారుతి సుజుకి నుంచి అత్యధికంగా అమ్ముడవుతున్న కారు అయిన ఆల్టోలో 'ఆల్టో ఎక్స్‌ప్లోర్' అనే సరికొత్త లిమిటెడ్ ఎడిషన్‌ను నేడు కంపెనీ విడుదల చేసింది. ప్రస్తుతం ఉన్న ఆల్టో కన్నా మరిన్ని అధనపు ఫీచర్లను జోడించి హ్యుందాయ్ ఇయాన్‌ను ధీటుగా ఎదుర్కునేలా మారుతి ఈ లిమిటెడ్ ఎడిషన్‌ ఆల్టోను రూపొందించింది. ఆల్టో టాప్-ఎండ్ వేరియంట్‌లైన ఆల్టో ఎల్ఎక్స్ఐ, ఆల్టో-కె10 విఎక్స్ఐలో ఈ లిమిటెడ్ ఎడిషన్ అందుబాటులో ఉంటుంది. ఆల్టో ఎక్స్‌ప్లోర్ ఆరు ఆకర్షనీమైన రంగుల్లో లభ్యమవుతుంది.

లిమిటెడ్ ఎడిషన్ ఆల్టో ఎక్స్‌ప్లోర్ మోడల్‌లో యూఎస్‌బి మరియు బ్లూటూత్ కనెక్టివిటీతో కూడిన డబుల్-డిన్ స్టీరియో సిస్టమ్, లెథర్ సీట్స్, సరికొత్త బాడీ గ్రాఫిక్స్, బాడీ రంగులోనే ఉండే బంపర్స్, సైడ్ మిర్రర్స్, డోర్ హ్యాండిల్స్, రూఫ్ రెయిల్స్ వంటి అధనపు ఫీచర్లను జోడించారు. అయితే దీని ధరను మాత్రం కంపెనీ వెల్లడించలేదు.

Article Published On: Thursday, October 13, 2011, 15:15 [IST]

English summary

Maruti Suzuki on Thursday introduced a limited editions of its highest selling brand Alto. Named as Alto Xplore, this limited edition is packed with new features. The limited edition is available in top variants of Alto Lxi, Alto-K10 Vxi.

More from DriveSpark