గుజరాత్‌లోనే కొత్త ప్లాంటును ఏర్పాటు చేసేందుకు మొగ్గుచూపుతున్న మారుతి

Published: Saturday, May 28, 2011, 12:49 [IST]

దేశపు అతిపెద్ద కార్ల తయారీ సంస్థ మారుతి సుజుకి ఇండియా (ఎమ్ఎస్ఐ) గుజరాత్‌లో కాలుమోపేందుకు సిద్ధంగా ఉంది. మారుతి కొత్తగా ఏర్పాటు చేయబోయే ఏడవ ప్లాంటును ప్రస్తుతం గుజరాత్‌లో నానో కార్లు కార్లను ఉత్పత్తి చేస్తున్న టాటా మోటార్స్ సనంద్ ప్లాంటుకు సమీపంలో మారుతి కూడా ప్లాంటును ఏర్పాటు చేయాలని భావిస్తోంది. గుజరాత్ రాష్ట్రంలోని అహ్మదాబాద్‌కు సమీపంలో ఏటా 2,50,000 వాహనాలను ఉత్పత్తి చేయగల సామర్థ్యంతో ప్లాంటును స్థాపించేందుకోసం దాదాపుగా 500 ఎకరాల స్థలాన్ని కూడా కంపెనీ ఖరారు చేసినట్లు తెలుస్తుంది. అయితే ఈ విషయంపై మారుతి ఇంకా అధికారికంగా ఎలాంటి ప్రకటన జారీ చేయలేదు. కాగా.. ఇప్పటికే మారుతి మానేసర్‌లో రూ. 3,625 కోట్ల పెట్టుబడితో రెండు కొత్త యూనిట్లను నిర్మిస్తున్న సంగతి తెలిసిందే.

మరోవైపు గుజరాత్ ఇప్పటికే జనరల్ మోటార్స్ (హలోల్ ప్లాంటు), టాటా మోటార్స్ (సనంద్ ప్లాంటు) వంటి పెద్ద పెద్ద ఆటో దిగ్గజాలకు ఆతిథ్యం ఇచ్చింది. ఎగుమతులను లక్ష్యంగా చేసుకొని మారుతి కొత్త ప్లాంటును అభివృద్ధి చేసే అవకాశాలు ఎక్కువగా ఉన్నాయి. స్విఫ్ట్, ఎస్టిలో, ఏ-స్టార్ కార్లను మారుతి ఎగుమతి చేస్తుంది. ప్రస్తుతం ఈ మోడళ్లు ముంద్రా పోర్ట్ ద్వారా యూరప్, ఆఫ్రికా దేశాలకు ఎగుమతి అవుతున్నాయి. 2015-16 నాటికి సాలీనా 30 లక్షల వాహనాలను అమ్మాలనే లక్ష్యంతో మారుతి విస్తరణ ప్రణాళికలను రూపొందిస్తుంది. మానేసర్‌లో ప్రస్తుతం ఉన్న ప్లాంటు ఉత్పత్తి సామర్ధ్యం సాలీనా 3,50,000 యూనిట్లుగా ఉంటే.. గుర్గావ్‌లో ఉన్న మూడు ప్లాంట్ల ద్వారా సాలీనా 8,50,000 యూనిట్లను ఉత్పత్తి చేస్తుంది.

Article Published On: Saturday, May 28, 2011, 12:49 [IST]

English summary

Maruti Suzuki India, the country's largest car maker is exploring for location to set up a manufacturing unit in Gujarat and it could be its first plant outside Haryana where it has been based from its inception in the year 1983. A senior government official said that as of now three rounds of talks have taken place between the two parties. We have offered them land at three different locations in the state.

More from DriveSpark