అంచనాలను తలకిందులు చేసిన మారుతి ఫలితాలు

Published: Tuesday, June 26, 2012, 16:14 [IST]

మార్కెట్ అంచనాలను తలకిందులు చేస్తూ మారుతి సుజుకి ఆర్థిక ఫలితాలు నమోదయ్యాయి. ప్రస్తుత ఆర్థిక సంవత్సరం జూన్ 2011 నెలతో ముగిసిన తొలి త్రైమాసికంలో భారతదేశపు నెంబర్ వన్ కార్ల తయారీ సంస్థ మారుతి సుజుకి ఇండియా నికర లాభం 18 శాతం పెరిగి రూ. 549.23 కోట్లకు పెరిగింది. గత ఆర్థిక సంవత్సరంలో ఇదే త్రైమాసికానికి కంపెనీ నికర లాభం రూ. 465.36 కోట్లుగా ఉన్నట్లు కంపెనీ ఓ ప్రకటనలో పేర్కొంది.

తొలి త్రైమాసికం (ఏప్రిల్ 2011 - జూన్ 2011)లో కంపెనీ నికర అమ్మకాలు 8,319 కోట్లకు పెరిగాయి. అలాగే, మొత్తం ఆదాయం రూ. 8,409.62 కోట్ల నుంచి 8,709.37 కోట్లకు పెరిగింది. గతేడాదితో ఇదే కాలంతో పోలిస్తే ఇతర ఆదాయం రూ. 100 కోట్ల నుంచి రూ. 180 కోట్లకు పెరిగింది. మొత్తం మీద మారుతి ఆర్థిక ఫలితాలు వివిధ బ్రోకరేజీ సంస్థ అంచనాలను తలకిందులు చేశాయి. వీరి విశ్లేషణ ప్రకారం మారుతి సుజుకి ఫలితాలు నాలుగు శాతం తగ్గొచ్చని అంచనా వేశాయి.

Article Published On: Tuesday, July 26, 2011, 14:31 [IST]

English summary

Maruti Suzuki, India's largest carmaker thwarted projections and posted a 18 per cent increase in net profits for the first quarter of this year ending June. Maruti's net profit for Q1 stood at Rs.549.23 crores as against the Rs.465.36 crores posted by the company in the first quarter of the previous year.