కొత్త స్విఫ్ట్‌ను విడుదల చేసేందుకు పాత స్విఫ్ట్ ఉత్పత్తి బంద్..!

Published: Friday, July 8, 2011, 10:27 [IST]

మారుతి సుజుకి ఫ్లాగ్‌షిప్ హ్యాచ్‌బ్యాక్ వేరియంట్ కారు స్విఫ్ట్ ఇకపై సరికొత్త హంగులతో లభ్యం కానుంది. స్విఫ్ట్ ఫ్లాట్‌ఫామ్ కొత్త వేరియంట్‌ను విడుదల చేసేందుకు దేశీయ అతిపెద్ద కార్ల తయారీ సంస్థ మారుతి సుజుకి ఇండియా (ఎమ్ఎస్ఐ) పాత స్విఫ్ట్ కారు ఉత్పత్తిని నిలిపివేసినట్లు తెలుస్తోంది. వచ్చే నెలలో సరికొత్త విడుదల కావచ్చని మార్కెట్ వర్గాల సమాచారం. కాగా.. మారుతి స్విఫ్ట్‌లో సెడాన్ వేరియంట్ డిజైర్‌ను మోడల్‌ ఉత్పత్తిని మానేసర్ ప్లాంటు నుంచి గుర్గావ్ ప్లాంటుకు తరలించినున్నట్లు ఇప్పటికే ప్రకటించిన విషయం తెలిసిందే.

ఈ నేపథ్యంలో కొత్త స్విఫ్ట్ హ్యాచ్‌హబ్యాక్ ఉత్పత్తి కూడా మానేసర్ ప్లాంటులో జరగబోదని తెలుస్తోంది. మే 2005లో విడుదల చేసిన స్విఫ్ట్‌ను ఇలా అప్‌గ్రేడ్ చేయడం ఇదే మొదటిసారి. అలాగే, ధరలో కూడా పాత ప్రస్తుతం ఉన్న స్విఫ్ట్ ధర కంటే కాస్తంత ఎక్కువగానే ఉండే అవకాశాలు ఉన్నాయి. ప్రస్తుతం అందుబాటులో ఉన్న స్విఫ్ట్‌ ధరలు రూ. 4.09 లక్షల నుండి రూ. 5.56 లక్షలు (ఎక్స్‌-షోరూమ్ ఢిల్లీ)గా ఉన్నాయి. అంతేకాకుండా.. కొత్త స్విఫ్ట్‌ను పెట్రోల్‌ మరియు డీజిల్‌ వేరియంట్లలో లభించనుంది. కంపెనీ అధికంగా విక్రయిస్తున్న మోడళ్లలో స్విఫ్ట్‌ హ్యాచ్‌బ్యాక్ కూడా ఒకటి. మరి కొత్త స్విఫ్ట్ పాత స్విఫ్ట్ మాదిరిగా ఆదరణ లభిస్తుందో లేదో వేచి చూడాల్సిందే.

Article Published On: Friday, July 8, 2011, 10:27 [IST]

English summary

Maruti Suzuki has stopped production of its premium hatchback Swift as it prepares for the production of the next generation model. The new Swift is expected to be launched in August or September.

More from DriveSpark