రెండు లక్షల సేల్స్ మార్కును అధిగమించిన మారుతి ఎస్టిలో

Published: Wednesday, June 8, 2011, 17:11 [IST]

మారుతి సుజుకి అందిస్తున్న హ్యాచ్‌బ్యాక్ కారు ఎస్టిలో మరో అరుదైన రికార్డును తన ఖాతాలోకి చేర్చుకుంది. కె-10 ఫ్యూయెల్ ఎఫీషియంట్ ఇంజన్‌తో రూపొందుతున్న ఈ కారు గత ఆర్థిక సంవత్సరంలో 25.4 శాతం వృద్ధిని కనబరిచింది. ప్రస్తుత నెలలో ఎస్టిలో కారు దేశీయ మార్కెట్లో రెండు లక్షల సేల్స్ మార్కును తాకింది. భారత మార్కెట్లోనే కాక దక్షిణ ఆసియా మార్కెట్లలో కూడా ఈ మోడల్ అద్భుతమైన ప్రతిభను కనబరిచినట్లు కంపెనీ పేర్కొంది. గడచిన క్యాలెండర్ ఇయర్‌లో ఇండోనేషియాకు 16,900 ఎస్టిలో (ఇండోనేషియాలో దీని పేరు 'కరిమున్') కార్లు ఎగుమతి అయ్యాయి.

ఇండోనేషియన్ యువతను దృష్టిలో ఉంచుకొని కరిమున్ కారును రూపొందించారు. వరుసగా మూడేళ్లపాటు 2008, 2009 మరియు 2010 సంవత్సరాల్లో ఆటోకార్ మ్యాగజైన్ (ఇండోనేషియా ఎడిషన్)చే 'ఫేవరెట్ సిటీ కార్'గా రేటింగ్ చేయబడింది. ఇంకా 2009లో కూడా 'స్మాల్ కార్ ఆఫ్ ది ఇయర్'గా టాప్‌గేర్ మ్యాగజైన్ (ఇండోనేషియా ఎడిషన్) రేటింగ్ ఇచ్చింది. ఎస్టిలో రెండు లక్షల మార్కు విజయాన్ని పురస్కరించుకొని మారుతి సుజుకి ఓ లిమిటెడ్ ఎడిషన్ "ఎస్టిలో వోగ్" కారును భారత మార్కెట్లోకి విడుదల చేసింది. అంతేకాకుండా ఎస్టిలో మోడల్‌లో సిఎన్జీ వేరియంట్‌ను కూడా కంపెనీ అందిస్తోంది.

Article Published On: Wednesday, June 8, 2011, 17:11 [IST]

English summary

Maruti Suzuki Estilo is all set to attain the milestone of 200,000 units cumulative sales, in the domestic market this month. Explaining the popularity of the Maruti Suzuki Estilo in India, Mr. Shashank Srivastava, Chief General Manager, Marketing, says, “Maruti Suzuki Estilo has found a great appreciation among style conscious buyers in India. Estilo's success in the domestic market is reflected in its high growth of more than 25% in last fiscal.”

More from DriveSpark