Click it and Unblock the Notifications
మారుతి సుజుకి వృద్ధిలో కె-మ్యాజిక్ చేసిన అద్భుతం
తొలుత ఏ-స్టార్ మోడల్ కార్ల ద్వారా కె-సిరీస్ ఇంజన్లను అందించిన మారుతి సుజుకి, ఈ ఇంజన్కు అనూహ్య స్పందన రావడంతో ఇతర మోడళ్లకు కూడా దీనిని వర్తింప చేసింది. అక్టోబర్ 2008లో ప్రారంభమైన కె-సిరీస్ ఇంజన్లు కేవలం 29 నెలల్లోనే 8,50,000 పైగా తయారయ్యంటే వీటికున్న క్రేజే ఏంటో ఇట్టే అర్థమవుతోంది. కె-సిరీస్ ఇంజన్లను గుర్గావ్లోని మూడు ప్లాంట్లలో కంపెనీ ఉత్పత్తి చేస్తుంది. ప్రతి నెలా దాదాపు 70,000 కె-సిరీస్ ఇంజన్లను మారుతి ఉత్పత్తి చేస్తుంది.
మారుతి సుజుకి రెండు రకాల కె-సిరీస్ ఇంజన్లను తయారు చేస్తుంది.
కె10 (K10) : 998 సీసీ త్రీ-సిలిండర్ కె సిరీస్ ఇంజన్ 'K10' ఇంజన్ను ఏ-స్టార్, ఎస్టిలో మరియు వ్యాగన్ఆర్ కార్లలో అందిస్తుంది. ఈ ఇంజన్ 68ps @ 6200 rpm శక్తిని 90nm @ 3500 rpm టార్క్ను విడుదల చేస్తుంది. కె-సిరీస్ ఇంజన్లో ఉన్న బెస్ట్ ఫీచర్ మైలేజ్. ఆల్టో కె10లో ఉపయోగించే కె-సిరీస్ ఇంజన్ లీటరుకు 20.2 కి.మీ. మైలేజ్ను, అలాగే ఏ-స్టార్ లీటరుకు 19 కి.మీ. మైలేజ్ను మరియు ఎస్టిలో లీటరుకు 19 కి.మీ. మైలేజ్ను అందిస్తుంది.
కె12 (K12) : రిట్జ్, స్విఫ్ట్ మరియు స్విఫ్ట్ డిజైర్ మోడళ్లలో ఉపయోగించే కె-సిరీస్ 'K12' ఇంజన్ 1.2 లీటర్ ఫోర్-సిలిండర్ పెట్రోల్ ఇంజన్. ఈ ఇంజన్ బరువును తగ్గించేందుకు గానూ దీని తయారీలో ప్లాస్టిక్ను ఉపయోగించారు. లైట్-వెయిట్ మరియు సుపీరియర్ టెక్నాలజీల కారణంగా కె12 ఇంజన్ రిట్జ్లో లీటరుకు 17.9 కిలోమీటర్లకు పైగా మైలేజ్ను, స్విఫ్ట్ మరియు స్విఫ్ట్ డిజైర్లలో 17.7 కిలోమీటర్లకు పైగా మైలేజ్ను ఇస్తుంది.
Continue with Google