ఫిబ్రవరిలో భారత రోడ్లపై పరుగులు తీయనున్న కిజాషి

Published: Monday, January 24, 2011, 14:03 [IST]

భారత అతిపెద్ద కార్ల తయారీదారయిన మారుతి సుజుకి గతేడాది జనవరిలో న్యూఢిల్లీలో జరిగిన ఆటో ఎక్స్‌పోలో ప్రదర్శించిన లగ్జరీ కారు 'కిజాషి' ఈ ఏడాది ఫిబ్రవరిలో భారత రోడ్లపై పరుగులు తీయనుంది. ఈ కారు విడుదలతో దేశంలో అత్యధికంగా కార్లను విక్రయిస్తున్న మారుతి సుజుకి లగ్జరీ కార్ల విభాగంలోకి ప్రవేశించినట్లవుతుందని సంస్థ ఎమ్ ఈఓ మయాంక్‌ పారీక్ తెలిపారు. ఈ కారును పూర్తిగా జపాన్‌లోని సుజుకి ఆధ్వర్యంలో తయారుచేసి భారత్ ‌కు దిగుమతి చేసుకున్నామని పారీక్ వివరించారు.

హోండా ఎకార్డ్, టొయోటొ క్యామ్రీ, హోండా సివిక్, వోల్క్స్‌వ్యాగన్ జెట్టా, టొయోటొ కరోలా వంటి కార్లకు పోటీగా కిజాషి నిలుస్తుందని కంపెనీ ధీమా వ్యక్తం చేసింది. కిజాషి ధరను రూ. 12 నుంచి రూ. 20 లక్షల మధ్య ఉంటుందని, ఎ4, ఎ5 సెగ్మెంట్‌లో అమ్మకాలు గణనీయంగా పెరుగుతున్నందున కిజాషికి మంచి ఆదరణ లభిస్తుందని భావిస్తున్నామని ఆయన తెలిపారు. పరిశ్రమ అంచనాల ప్రకారం ఈ సెగ్మెంట్‌లలో ఏడాదికి 55,000లకు పైగా యూనిట్లు అమ్ముడవుతున్నాయి. మారుతి సుజుకి కిజాషి 2.4 లీటర్‌ పెట్రోల్‌ ఇంజన్‌ సామర్ధ్యం కలిగి ఉండి, మాన్యువల్‌, ఆటోమేటిక్‌ గేర్ల సదుపాయాలతో లభిస్తుంది.

Article Published On: Monday, January 24, 2011, 14:03 [IST]

English summary

Maruti Suzuki India, the largest car manufacturer is all geared to enter the luxury car segment with its “Kizashi”. The luxury sedan is said to be in the Indian markets from February and is completely manufactured in the main Suzuki facility in Japan and is imported to India.

More from DriveSpark