ఎస్ఎక్స్4లో డీజిల్ వేరియంట్‌ను ఆవిష్కరించిన మారుతి

మారుతి సుజుకి ఎస్ఎక్స్4లో ఇప్పటి వరకూ పెట్రోల్ వేరియంట్ మాత్రమే లభిస్తుండేది. కాగా ఇదే విభాగంలో ఎస్ఎక్స్4కు పోటీ ఇస్తున్న వోక్స్‌వ్యాగన్ వెంటో, ఫోర్డ్ ఫియస్టాలు డీజిల్ వేరియంట్లు అత్యధికంగా అమ్ముడవుతుండటంతో ఈ పోటీని తట్టుకునేందుకు ఎస్ఎక్స్4లో మారుతి డీజిల్ వేరియంట్‌ను ప్రవేశపెట్టింది. భారత మార్కెట్లో దీని ప్రారంభ ధర రూ. 7.74 - రూ. 8.62 (ఎక్స్-షోరూమ్) మధ్య ఉన్నట్లు కంపెనీ పేర్కొంది.

మారుతి సుజికి అందిస్తున్న ఇతర డీజిల్ కార్ల కన్నా ఇది ఎక్కువ విజయాన్ని సాధించగలదని కంపెనీ అంచనా వేస్తుంది. స్విఫ్ట్, డిజైర్, రిట్జ్‌లు మారుతి అందిస్తున్న ఇతర డీజిల్ వేరియంట్లు. ఇకపోతే మారుతి సుజికి ఎస్ఎక్స్4 డీజిల్ కారు మైలేజ్ విషయానికి వస్తే.. ఇది లీటరు డీజిల్‌కు 21.5 కిలోమీటర్ల మైలేజీని ఇస్తుంది. ఇతర కార్లతో పోలిస్తే ఇది 8 శాతం అధికం. ఇంకా ఎస్ఎక్స్4 పెట్రోల్, సిఎన్‌జి వేరియంట్లలో కూడా లభ్యమవుతుంది.