మార్కెట్ వాటాను కోల్పోతున్న మారుతి సుజుకి మోడళ్లు

2009-10లో 12.5 శాతం మార్కెట్ వాటా కలిగి ఉన్న వ్యాగన్ ఆర్ 2010-11లో 10.55 శాతానికి పడిపోయినట్లు భారత ఆటోమొబైల్ తయారీదారుల సంఘం విడుదల చేసిన గణాంకాలు వెల్లడిస్తున్నాయి. మారుతి సుజుకి అందిస్తున్న ఇతర మోడళ్లయిన ఏ-స్టార్, రిట్జ్, స్విఫ్ట్ మరియు జెన్ ఎస్టిలో మోడళ్లు కూడా మార్కెట్ వాటాను కోల్పోతున్నాయి. ఏ-స్టార్ మార్కెట్ వాటా 2.7 శాతం నుంచి 2.39 శాతానికి, స్విఫ్ట్ మార్కెట్ వాటా 9.74 శాతం నుంచి 9.11 శాతానికి, రిట్జ్ మార్కెట్ వాటా 5.29 శాతం నుంచి 4.45 శాతానికి పడిపోయాయి. అలాగే, మారుతి 800 వాహన విక్రయాలు కొన్ని ప్రాంతాలకే పరిమితం కావడంతో వీటి విక్రయాలు కూడా మందగించి మార్కెట్ వాటా పడిపోతున్నట్లు ఎస్ఐఏఎమ్ పేర్కొంది.