మారుతి సుజుకి ఏ-స్టార్ కారుపై రూ. 43,000 డిస్కౌంట్

ప్రస్తుతం భారత్‌లో మారుతి బెస్ట్ సెల్లింగ్ మోడల్స్ ఆల్టో, వ్యాగన్ఆర్ మరియు స్విఫ్ట్ హ్యాచ్‌బ్యాక్. గడచిన నెలల్లో ఏ-స్టార్ అమ్మకాలు వరుసగా తగ్గుముఖం పట్టడం ప్రారంభించాయి. ఈ నేపథ్యంలో దేశీయ మార్కెట్లలో ఏ-స్టార్ మోడల్‌ విక్రయాలు ఊతమిచ్చేందుకు కంపెనీ ఈ మోడల్‌పై భారీ డిస్కౌంట్‌ను ప్రకటించింది. మారుతి సుజుకి ఏ-స్టార్ హ్యాచ్‌బ్యాక్‌పై రూ. 28,000 నగదు డిస్కౌంట్‌తో పాటుగా రూ. 15,000 ఎక్సేంజ్ డిస్కౌంట్‌ను కూడా కంపెనీ అందిస్తోంది

ఈ ఏడాది మే నెల వరకూ ప్రతి నెలా 4,000 ఏ-స్టార్ కార్లను విక్రయిస్తూ వస్తున్న మారుతి ఆ తర్వాతి కాలంలో సగానికి తగ్గి 1,734 యూనిట్లకు, అక్కడి నుండి గత జులైలో పూర్తిగా వెయ్యి యూనిట్లకు దిగువన 779 కార్లు అమ్ముడయ్యాయి. మరి మారుతి సుజుకి తాజా ఆఫర్‌తో ఏ-స్టార్ సూపర్ స్టార్ అనిపించుకుంటుందో లేదా చూడాల్సిందే. సింగిల్‌గా ఉన్న వారు లేదా కొత్తగా పెళ్లయిన వారికి ఏ-స్టార్ కారు చక్కగా సరిపోతుంది.