మారుతి కారు కొంటే బంపర్ ప్రైజ్‌లో రిట్జ్ గెల్చుకునే ఛాన్స్!

'మారుతి సుజుకి ఫెస్టివ్ ధమాకా' పేరుతో కంపెనీ ఈ ఆఫర్లను అందిస్తోంది. ఈ ఆఫర్లలో భాగంగా.. మారుతి సుజుకి ఆల్టో ఎఫ్8 కొనుగోలుపై 35,000 రూపాయల తగ్గింపును, వ్యాగన్ఆర్, ఎస్టిలో మరియు ఏ-స్టార్ మోడళ్ల కొనుగోళ్లపై 50,000 రూపాయల తగ్గింపును అలాగే, మారుతి సుజుకి రిట్జ్ కొనుగోలుపై 45,000 రూపాయల తగ్గింపును అందిస్తున్నట్లు కంపెనీ తెలిపింది.

ఈ ఫెస్టివ్ ధమాకా ఆఫర్లు అక్టోబర్ 15 వరకూ కొనసాగుతాయని కంపెనీ వివరించింది. అంతేకాకుండా.. రాష్ట్ర, కేంద్ర ప్రభుత్వ ఉద్యోగులకు ఈ ఫెస్టివ్ ధమాకా ఆఫర్లతో పాటు అదనపు ప్రయోజనాలను కూడా అందిస్తామని మారుతి సుజుకి తెలిపింది. ఇవి కాకుండా.. ప్రతి మారుతి సుజుకి కారును కొనుగోలు చేసిన వారికి స్క్రాచ్ కార్డ్‌ ఆఫర్‌ను కూడా కంపెనీ ప్రకటించింది.

ఈ స్క్రాచ్ కార్డ్‌ ఆఫర్లో సోనీ బ్రేవియా ఎల్‌సీడీ టీవీ లేదా సోనీ కామ్‌కార్డర్ లేదా సోనీ సైబర్ షాట్ కెమెరా లేదా 500 రూపాయాల విలువ కలిగిన గిఫ్ట్ వోచర్లలో ఏదైనా ఒక బహుమతిని తప్పక గెలుపొందే అవకాశం ఉంటుందని, అంతేకాకుండా.. ఓ బంపర్ ప్రైజ్‌గా మారుతి సుజుకి రిట్జ్ (ఎల్‌ఎక్స్‌ఐ వేరియంట్) కారును కూడా ఆఫర్ చేస్తున్నామని కంపెనీ పేర్కొంది. మరింకెదుకు ఆలస్యం వెంటనే మీ మారుతి కారుతో పాటు అదనపు బహుమతులను కూడా సొంతం చేసుకోండి..!