సమ్మె చేస్తున్న 11 మంది కార్మికులపై వేటు వేసిన మారుతి

Published: Monday, June 6, 2011, 17:24 [IST]

మారుతి సుజుకి మానేసర్ ప్లాంటులో యాజమాన్యానికి, కార్మికుల మధ్య తలెత్తిన వివాదం తీవ్రరూపం దాల్చుతోంది. కొత్తగా ఏర్పాటు చేసిన మారుతి సుజుకి ఎంప్లాయిస్ యూనియన్ (ఎమ్ఎస్‌ఈయూ)ను యాజమాన్యం గుర్తించాలని డిమాండ్ చేస్తూ శనివారం మధ్యాహ్నం నుంచి వేలాది కార్మికులు సమ్మెకు దిగారు. కాగా.. వారిలో 11 మంది వర్కర్లను పనిలోనుంచి తీసేస్తున్నట్లు కంపెనీ సోమవారం ప్రకటించింది. "అక్రమంగా సమ్మె చేస్తూ, సాటి కార్మికుల భద్రతకు ముప్పు వాటిళ్లేలా భయానక వాతావరణాన్ని సృష్టించిన 11 మంది వర్కర్లను ఉద్యోగంలో నుంచి తీసేస్తున్నామని" దేశీయ అతిపెద్ద కార్ల తయారీ సంస్థ అయిన మారుతి సుజుకి ఇండియా (ఎమ్ఎస్ఐ) ఛైర్మన్ ఆర్.సి. భార్గవ వెల్లడించారు.

యాజమాన్యానికి ఎలాంటి నోటీసులు ఇవ్వకుండానే వర్కర్లు సమ్మెకు దిగారని, వారితో యాజమాన్యం చర్చలు జరుపుతోందని ఆయన తెలిపారు. వర్కర్ల డిమాండును అంగీరించేందుకు ఆయన వ్యతిరేకిస్తూ.. మరో యూనియన్ ఉండబోదని, వాళ్లకు అలాంటి సమస్యలు ఏవైనా ఉంటే ముందుగా తమకు ఓ లేఖ ద్వారా తెలిపి, తమతో చర్చించలు జరపాల్సిందని భార్గవ అన్నారు. అయితే ఈ సమస్యకు త్వరలోనే కంపెనీ ఓ పరిష్కారాన్ని కనుగొనగలదని ఆయన ధీమా వ్యక్తం చేశారు. మానేసర్ ప్లాంటులో వర్కర్ల సమ్మె కారణంగా ఉత్పత్తి శనివారం సెకండ్ షిఫ్ట నుంచి ఉత్పత్తి నిలిచిపోయింది. దీనివల్ల కంపెనీ దాదాపు 1,200 యూనిట్లకు పైగా ఉత్పత్తిని నష్టపోయి ఉండొచ్చని అంచనా వేస్తున్నారు.

Article Published On: Monday, June 6, 2011, 17:24 [IST]

English summary

India's largest car maker Maruti Suzuki India (MSI) on Monday sacked 11 workers employed at its Manesar facility, which has been crippled by a strike since Saturday. “The services of 11 persons, who were inciting workers to go on an illegal strike and created an atmosphere where safety of people were in danger, have been terminated,” Company Chairman R.C. Bhargava said.

More from DriveSpark