జనవరి-ఆగస్టు 2011 మధ్యకాలంలో బెంజ్ సేల్స్ 40% జంప్

Published: Saturday, September 3, 2011, 17:13 [IST]

జర్మనీకు చెందిన ప్రముఖ విలాసవంతమైన కార్ల తయారీ సంస్థ మెర్సిడెస్ బెంజ్ ఆ ఏడాది జనవరి నెల నుంచి ఆగస్టు నెల వరకూ మొత్తం భారతీయ అమ్మకాలలో 40 శాతం వృద్ధిని సాధించినట్లు పేర్కొంది. జనవరి-ఆగస్టు 2011 మధ్య కాలానికి కంపెనీ మొత్తం దేశీయ అమ్మకాలు 40 శాతం వృద్ధితో 4,890 యూనిట్లు అమ్ముడయ్యాయని, గతేడాది ఇదే కాలంలో సదరు అమ్మకాల సంఖ్య 3,495 యూనిట్లుగా ఉందని మెర్సిడెస్ బెంజ్ ఇండియా డైరెక్టర్ (సేల్స్ అండ్ మార్కెటింగ్) దేబాశిష్ మిత్రా వెల్లడించారు.

దాదాపు దశాబ్ధానికి పైగా భారత లగ్జరీ కార్ మార్కెట్లో అమ్మకాల సంఖ్య పరంగా నెంబర్ వన్‌గా నిలిచిన మెర్సిడెస్ బెంజ్‌ను జర్మనీకే చెందిన మరో లగ్జరీ కార్ల తయారీ సంస్థ బిఎమ్‌డబ్ల్యూ గడచిన కొద్ది నెలలుగా అధిగమిస్తూ వస్తుంది. ఈ నేపథ్యంలో బిఎమ్‌డబ్ల్యూ జోరుకు కళ్లెం వేసేందుకు మెర్సిడెస్ బెంజ్ ఇటీవలే కార్ రీటైల్ లీజింగ్ వ్యాపారంలోకి కూడా ప్రవేశించింది. దీని ద్వారా లగ్జరీ కార్ మార్కెట్లో అధిక మార్కెట్ వాటా ఆర్జించగలమని కంపెనీ ఆశాభావంతో ఉంది.

Article Published On: Saturday, September 3, 2011, 17:13 [IST]

English summary

German luxury carmaker Mercedes Benz India sales grew by 40 per cent during the January to August period to 4,890 units in 2011 against 3,495 units during the corresponding period last year, Company official said.

More from DriveSpark