భారత వినియోగదారుల డిమాండ్ తీర్చడంలో ఫెయిల్

Published: Saturday, February 19, 2011, 16:17 [IST]

ప్రపంచపు అతిపెద్ద ప్రముఖ లగ్జరీ కార్ల తయారీదారు అయిన "రోల్స్ రాయిస్" ప్రపంచ వ్యాప్తంగా తనకున్న బ్రాండ్ ఇమే‌జ్‌ను మాత్రం భారత్‌లో నిలుపుకోలేక పోతుంది. భారత వినియోగదారుల డిమాండును తీర్చడంలో రోల్స్ రాయిస్ విఫలమవుతుందనే ఫిర్యాదులు అందుతున్నట్లు కంపెనీ ప్రకటించింది. గత డిసెంబర్‌లో వచ్చిన భారీ ఆర్డర్లకు తగిన సప్లయ్‌ను అందించడంలో తాము విఫలమైనట్లు కంపెనీ ఉన్నతాధికారి ఒకరు వెల్లడించారు. 2010లో ఆటో మార్కెట్‌కు భారీ డిమాండ్ ఏర్పడిన సంగతి తెలిసింది. చిన్నకార్ల నుంచి లగ్జరీ కార్ల వరకూ అన్ని విభాగాల్లోనూ దేశీయ ఆటోమొబైల్ రంగం భారీ వృద్ధిని కనబరిచింది.

అయితే ప్రత్యేకించి లగ్జరీ కార్ల విభాగం విషయానికి వచ్చే సరికి.. అన్ని ప్రముఖ ఆటోమొబైల్ కంపెనీలు పరిమిత సంఖ్యలో మాత్రమే వాహనాలను దిగుమతి చేసుకోవడం, లేదా ఉత్పత్తి చేయడం జరుగుతుంది. కానీ ఇంత భారీ సంఖ్యలో డిమాండును అంచనా వేయలేని లగ్జరీ కార్ల కంపెనీలు దేశీయ వినియగదారుల అవసరాలను తీర్చడంలో వెనుకబడ్డాయి. ప్రస్తుతం డిల్లీ, ముంబైలలో కంపెనీకు డీలర్‌షిప్ కేంద్రాలున్నాయి. కాగా.. ఈ ప్రాంతాలలో కొత్తగా మరో రెండు కేంద్రాలను ఏర్పాటు చేయనున్నామని, అలాగే త్వరలోనే హైదరాబాద్, బెంగుళూరులలో కూడా డీలర్‌షిప్ కేంద్రాలను ఏర్పాటు చేయనున్నట్లు కంపెనీ పేర్కొంది.

Article Published On: Saturday, February 19, 2011, 16:17 [IST]

English summary

The world luxury car maker Rolls Royce has moaning remarks about its operations in India, as evidenced by its Global Chief Executive. He lamented that the company could not meet the demand in this potential market by December when it received more orders than what could be supplied.

More from DriveSpark