మెర్సిడెస్ బెంజ్ మే'11 నెల విక్రయాలలో 36 శాతం వృద్ధి

Published: Thursday, June 2, 2011, 14:03 [IST]

ఓవైపు పెట్రోల్ ధరలు, వడ్డీ రేట్లు మండిపోతున్నా భారత్‌లో లగ్జరీ కార్లకు మాత్రం గిరాకీ తగ్గలేదు. మార్కెట్లో చిన్న కార్ల విక్రయాలు చతికిలబడితే పెద్ద కార్లు మాత్రం శభాష్ అనిపించుకున్నాయి. జర్మనీకు చెందిన ప్రముఖ లగ్జరీ కార్ల తయారీ సంస్థ మెర్సిడెస్ బెంజ్ ఇండియా గత మే నెల విక్రయాలలో 36 శాతం వృద్ధిని సాధించింది. మే 2011లో మెర్సిడెస్ బెంజ్ ఇండియా మొత్తం 561 విలాసవంతమైన కార్లను విక్రయించింది. అంతకుముందు ఇదే సమయంలో కంపెనీ విక్రయాలు 411 యూనిట్లుగా ఉన్నాయి.

ఇక ఈ ఏడాది జనవరి నుంచి మే వరకూ విక్రయాలను గమనిస్తే.. ఇవి 60 శాతం వృద్ధితో 3,233 కార్లు అమ్ముడయ్యాయి. గతేడాది ఇదే కాలానికి విక్రయాలు 2,015 యూనిట్లుగా ఉన్నాయి. మెర్సిడెస్ సి-క్లాస్ సెడాన్ విక్రయాలు 45 శాతం వృద్ధితో 314 యూనిట్లు అమ్ముడు కాగా.. ఈ-క్లాస్ సెడాన్ విక్రయాలు 14 శాతం వృద్ధితో 130 యూనిట్లు అమ్ముడయ్యాయి. బెంజ్ ఎస్‌యూవీ (స్పోర్ట్స్ యుటిలిటీ వాహనా)లైన ఎమ్-క్లాస్, జిఎల్-క్లాస్ వాహనాలు కూడా మంచి వృద్ధిని కనబరినట్లు బెంజ్ పేర్కొంది.

Article Published On: Thursday, June 2, 2011, 14:03 [IST]

English summary

Mercedes-Benz India's May sales showed a remarkable increase after the premium carmaker sold 561 units marking a 36 per cent increase. The company had sold 411 units during the corresponding period last year. Mercedes-Benz India in a statement said that during the January-May, the company's sales rose 60 per cent to 3,233 units from 2,015 units as compared to the same period last year.

More from DriveSpark